tengrinews.kz
Iran Irannyń "Patrıot" júıelerin aınalyp ótetin zymyrandaryn qoldandy - BAQ
Iran áskerıleri Katardaǵy gaz óńdeý zaýyttaryna shabýyl jasaý kezinde amerıkandyq "Patrıot" áýe qorǵanys júıelerin aınalyp ótetin zymyrandardy qoldandy. Bul týraly Financial Times basylymy habarlady.
Ras-Laffandaǵy gaz kásiporyndaryna 18 jáne 19 naýryzda soqqy jasalǵan. Bul shabýyl AQSH pen Izraıldiń ırandyq "Ońtústik Pars" ken ornyna jasaǵan shabýylyna jaýap retinde boldy.
"QatarEnergy keshenine jasalǵan shabýyldarda ozyq zymyrandar qoldanyldy – olar manevrli jáne AQSH-ta jasalǵan "Patrıot" júıelerin aınalyp ótýge qabiletti", - delingen jarıalanymda.
Iran Islam Respýblıkasyna qarsy áskerı naýqan 28 aqpannan beri jalǵasyp keledi. Osy ýaqyt boıy taraptar soqqylarmen almasyp, munaı-gaz nysandaryn da nysanaǵa aldy. Qaqtyǵystyń shıelenisýi Parsy shyǵanaǵy elderinen munaı men SPG jetkizýdiń negizgi baǵyty bolyp tabylatyn Ormýz buǵazy arqyly júk tasymalynyń toqtaýyna ákeldi.
AQSH prezıdenti Donald Tramptyń aıtýynsha, eger Iran bul teńiz jolyn ashpasa, Vashıngton onyń barlyq elektr stansıalaryn joıady. Tegeran óz kezeginde buǵazdy tolyǵymen jaýyp, búkil aımaqtyń energetıkalyq jáne munaı ınfraqurylymyna jaýap shabýyldar jasaıtynyn málimdedi.
-
Izvestnaıa pevısa Móldir Muqanova podelılas trogatelnymı razmyshlenıamı o sovpadenıı svoego dná rojdenıa s prazdnıkom Naýryz.
-
Aýǵanstanda talıbter bılikke kelgennen keıin Naýryz resmı mereke mártebesinen aıyrylyp, eldiń jarıa ómirinen joǵaldy. Kóktemniń basty merekesiniń tarıhyndaǵy tyıymdar men onyń qaıta oralýy týraly.
