Iran men Izraıl arasyndaǵy 12 kúndik soǵys 638 adamnyń ómirin qıdy
Iran men Izraıl arasyndaǵy 12 kúndik soǵys 638 adamnyń ómirin qıdy
– dep habarlaıdy Infohab.kz.
13 maýsymda bastalǵan Iran men Izraıl arasyndaǵy qaqtyǵys eki tarapqa da aýyr shyǵyn ákeldi. Iran Densaýlyq saqtaý mınıstrliginiń málimetinshe, bul ýaqyt aralyǵynda elde 610 adam qaza taýyp, 4746 adam jaraqat alǵan. Al Izraıl bıliginiń habarlaýynsha, Iran eki apta ishinde 500-den asa balıstıkalyq zymyran jáne myńdaǵan dron ushyrǵan. Bul shabýyldardyń saldarynan 28 adam qaza tapty, ınfraqurylymnyń birshama bóligi qırap, júzdegen úı adam turýǵa jaramsyz kúıge tústi.
Qazirgi tańda eki elde de qalpyna keltirý jumystary júrip jatyr. Alaıda Iranda qaqtyǵys saldaryn tek syrttan emes, ishten de izdeýde. El bıligi Izraıl tyńshysy degen kúdikpen 700-den asa adamdy qamaýǵa aldy. Olardyń qatarynan úsh adamǵa ólim jazasy taǵaıyndaldy.
Iran úkimetiniń málimdeýinshe, ustalǵandar arasynda "Mossadqa jumys istegen dıversanttar" bar. Olar el aýmaǵyna kontrabandalyq jolmen qarý-jaraq pen arnaıy jabdyqtar kirgizip, Irandaǵy tanymal tulǵalardyń ólimine tikeleı sebepker bolǵan.
Qaqtyǵystyń toqtaǵanyna qaramastan, jaǵdaı tolyq turaqtalǵan joq. Sarapshylardyń aıtýynsha, Taıaý Shyǵystaǵy ahýal kez kelgen sátte qaıta ýshyǵýy múmkin.
You Might Also Like
-
Qazaqstandyq týrıser Taıaý Shyǵystaǵy jaǵdaıǵa baılanysty Dýbaıdan shuǵyl evakýasıalandy,dep jazady Infohab tilshisi.
-
Qazaqstandyq dzúdoshy Ábıba Ábýjaqynova jańartylǵan halyqaralyq reıtıńte áıelder arasyndaǵy 48 keli salmaq dárejesinde ekinshi orynǵa kóterildi. Bul – el tarıhyndaǵy eń joǵary jetistikterdiń biri.
