InfoHub Logo

Qyzylordadaǵy túzetý mekemesinde jazasyn ótep jatqan jýrnalıs jáne belsendi Dýman Muhammedkárimniń densaýlyǵy kúrt nasharlaǵan. Bul týraly onyń advokaty Ǵalym Nurpeıisov málimdedi.

Advokattyń aıtýynsha, belsendiniń búıregi men jambasy syrqyrap, omyrtqasynda protrýzıa anyqtalǵan. "Aýyrsynýdan erkin jata da almaıdy. Mekeme ákimshiligimen sóılestim, olar 30 maýsymda ony aýrýhanaǵa aparamyz dep ýáde berdi", – deıdi Nurpeıisov.

Alaıda, densaýlyǵy nasharlaǵanyna qaramastan, Dýman Muhammedkárim jazasyn jeńildetý týraly sotqa ótinish jazýdan bas tartqan. Ol aıybyn moıyndamaıtynyn jáne túrmede ádiletsiz qamalǵanyn aıtyp otyr. Buǵan deıin ol mekeme talaptaryn oryndamaǵany úshin karserge jabylǵan. Jýrnalıs túrme formasyn kımegeni jáne dárethana jýýdan bas tartqany úshin tártiptik jazaǵa tartylǵan. Onyń ózi bul áreketin azamattyq pozısıasymen baılanystyrady.

Eske salaıyq, Dýman Muhammedkárim «Ekstremızmdi qarjylandyrdy» jáne «Tyıym salynǵan uıymnyń isine aralasty» degen aıyptar boıynsha 7 jylǵa bas bostandyǵynan aıyrylǵan.

Belsendiniń jaqtastary onyń qamaýda otyrýyn saıası sebeppen baılanystyrady jáne qoǵamdyq belsendiligi úshin qýdalanyp otyr dep sanaıdy.