InfoHub Logo

Iran "Iran International" táýelsiz spýtnıktik telearnasymen yntymaqtastyqty jalǵastyratyn "belgili bir mekemeler men elderge" eskertý jasady. Eger bul yntymaqtastyq toqtamasa, atalǵan telearnaǵa qatysty nysandar men ınfraqurylym ıran áskerıleriniń nysanalar tizimine enýi múmkin.

Bul týraly Infohub.kz aqparat agenttigi habarlaıdy.

Aqparatqa súıensek, "Iran International" telearnasy Ulybrıtanıadan habar taratady jáne Túrkimenstanǵa tıesili "TürkmenÄlem 52E/MonacoSat" spýtnıgin paıdalanady. Budan bólek, bul spýtnıkti ondaǵan basqa tele- jáne radıoarnalar da qoldanady.

Irannyń "Hatam ál-Anbıa" ókiliniń málimdemesi

Iran memlekettik BAQ-tarynyń habarlaýynsha, Iran qarýly kúshteriniń "Hatam ál-Anbıa" qolbasshylyǵynyń aty-jóni atalmaǵan ókili "Iran International" telearnasyn "sıonısik BAQ" dep atap, onyń Iran halqyna qarsy "shıettilik týdyrý, jalǵan aqparat taratý, qaýeset jáne psıhologıalyq soǵys" júrgizý maqsatynda áreket etetinin aıtqan. Ol sondaı-aq, eger bul "surqıa jáne shaıtanı" arnaǵa qoldaý kórsetý jalǵasa berse, onymen yntymaqtasqandar Iran Islam Respýblıkasynyń nysanalar tizimine enetinin eskertken.

Rýmynıaǵa da eskertý jasaldy

Tegeran Rýmynıaǵa da eskertý jasap, eger Býharest Vashıngtonǵa óz aýmaǵyn Iranǵa qarsy operasıalar úshin paıdalanýǵa ruqsat berse, Rýmynıa janjaldyń qatysýshysy bolatynyn jetkizgen. Buǵan deıin Rýmynıa parlamenti el aýmaǵyna qosymsha amerıkandyq áskerı bólimder men avıasıany ornalastyrý týraly usynysty maquldaǵan bolatyn.