agentstvo "Anadolý
Irandaǵy ıadrolyq nysan AQSH pen Izraıldiń soqqysynan zaqymdandy
Irannyń Isfahan provınsıasyndaǵy ıadrolyq nysan AQSH pen Izraıldiń birlesken shabýylynan eleýli zaqym kórdi. Bul týraly Irannyń ISNA aqparat agenttigi ulttyq ıadrolyq qaýipsizdik ortalyǵyna silteme jasap habarlady.
Qazirgi ýaqytta radıasıalyq lastaný týraly aqparat túspegeni aıtylady. Halyqaralyq atom energıasy agenttigi (MAGATE) oqıǵa týraly habardar etildi.
RIA Novostı agenttiginiń habarlaýynsha, ıadrolyq nysanǵa 7 naýryzda AQSH pen Izraıl zymyranmen shabýyl jasaǵan. Buǵan deıin Iran bıligi 1 naýryzda ýran baıytý zaýyty ornalasqan Natanz ıadrolyq nysanyna eki ret soqqy bolǵanyn, biraq radıasıalyq shyǵyn tirkelmegenin málimdegen.
AQSH pen Izraıl 28 aqpanda Iranǵa qarsy áskerı operasıa bastaǵan bolatyn. Tel-Avıvtiń aıtýynsha, bul operasıa Irannyń ıadrolyq qarý alýyna jol bermeý maqsatyn kózdegen. Vashıngton ırandyq flotty, qorǵanys ónerkásibin joıýǵa jáne el azamattaryn rejımdi qulatýǵa shaqyrǵan edi. Shabýyl nátıjesinde Irannyń joǵarǵy kósemi aıatolla Alı Hameneı qaza tapty. Elde 40 kúndik qaraly kún jarıalandy.
Óz aýmaǵyna jasalǵan soqqylarǵa Tegeran Taıaý Shyǵystaǵy Vashıngtonnyń odaqtas elderindegi amerıkandyq nysandarǵa shabýyl jasaý arqyly jaýap berdi.
-
AQSH eks-prezıdenti Donald Tramp Reseı men Ýkraına arasyndaǵy qaqtyǵystyń jaqyn arada aıaqtalýy múmkin ekenin málimdedi.
-
20 let prorabotav kondýktorom, Janar Ýmarova stala pervoı jenshınoı-vodıtelem bolshogo avtobýsa v Shymkente. Ýznaıte o ee pýtı k novoı professıı.
