InfoHub Logo

Irannyń joǵary laýazymdy áskerı tulǵalary men basshylarynyń birqatary Izraıl shabýyldarynan qaza tapqan soń, Islam revolúsıasy saqshylar korpýsynyń (IRSK) qolbasshysy Ismaıl Kanı jalǵyz aman qalǵan basshy retinde qaldy. Alaıda, qazirgi tańda ol ózi «Izraıldiń paıdasyna tyńshylyq jasady» degen aýyr aıyppen tergeýge alynyp otyr.

Bul týraly Infohub.kz aqparat agenttigi habarlaıdy.

Birneshe ret ajaldan aman qalǵan

Ismaıl Kanıdiń buǵan deıin de birneshe ret Izraıldiń shabýyldarynan aman qalǵany jaǵdaılar onyń «Izraıl agenti bolýy múmkin» degen kúdikke ilinýine sebep bolǵan.

Mossad aıyptaýlardy joqqa shyǵardy

Izraıldiń barlaý qyzmeti «Mossad» Ismaıl Kanıdiń ózderiniń tyńshysy ekendigi týraly qaýesetterdi joqqa shyǵardy. Degenmen, Iran bıligi Kanıdi tergeýdi toqtatpady.

Kanıdiń tulǵasy men yqpaly

Kanı basqarǵan qurylym sońǵy jyldary yqpalyn joǵaltqanymen, onyń tulǵasy áli de mańyzdy bolyp sanalady. Iran basshylyǵynyń basqa ókilderi, sonyń ishinde Ulttyq qaýipsizdik joǵary keńesiniń hatshysy Álı Larıdjanı men Iran armıasynyń qolbasshysy Ámir Hatamı AQSH pen Izraılge qarsy aıyptaýlaryn ashyq aıtyp júr. Al Kanı bolsa, Irannyń Joǵarǵy kósemi Aıatolla Álı Hemeneı qaıtys bolǵannan beri jurt aldyna múlde shyqpaǵan.

Buǵan deıin Irannyń burynǵy prezıdenti Ahmadınejad Izraılmen kúresýge arnalǵan qupıa jasaqtyń basshysynyń Mossad agenti bolyp shyqqanyn aıtqan bolatyn. Sondaı-aq, lıvandyq sarapshy Qasem Rýmolla Iranda ár salada, tipti bılik eshelondarynda da Izraıldiń tyńshylary bar ekenin málimdegen.

Qazirgi tańda Iran bıligi Kanıdi jazalap, qamaýǵa aldy degen aqparattar da bar, biraq bul aqparattar áli naqtylanbaǵan.