tengrinews.kz
Irannyń Joǵarǵy kósemi halqyna jáne Parsy shyǵanaǵy elderine úndeý tastady
Irannyń Joǵarǵy kósemi Modjtaba Hameneı el halqyna jáne Parsy shyǵanaǵy elderine úndeý jasady. Ol Islam respýblıkasynyń AQSH pen Izraılmen qazirgi qaqtyǵysta jeńiske jetkenin aıtty.
Bul týraly Infohub.kz aqparat agenttigi habarlaıdy.
Irannyń jeńisi jáne talaptary
Hameneıdiń aıtýynsha, Iran «úshinshi epostyq qasıetti qorǵanysta» jeńiske jetken. Ol Tegerannyń soǵys izdemeıtinin, biraq óz quqyqtarynan bas tartpaıtynyn atap ótti. Sondaı-aq, Iran Ormýz buǵaýyn baqylaýdy jalǵastyratynyn jáne AQSH pen Izraıl keltirgen shyǵyndar men «mártebeli sheıitterdiń» tógilgen qany úshin ótemaqy talap etetinin málimdedi.
Ósh alý jáne kórshilerge eskertý
Iran kósemi burynǵy kósem Álı Hameneı men basqa da qaza tapqan ırandyqtar úshin kek alýǵa daıyn ekenin aıtty. Ol Parsy shyǵanaǵy elderin «durys joldy tańdaýǵa» jáne «shaıtandardyń jalǵan ýádelerine aldanbaýǵa» shaqyrdy.
AQSH prezıdentiniń málimdemesi
AQSH prezıdenti Donald Tramp 8 sáýirge qaraǵan túni Iranmen eki aptalyq bitimgershilik týraly kelisimge qol jetkizilgenin habarlaǵan bolatyn. Keıinirek Tramp beıbit kelisim buzylsa, Iranǵa «anaǵurlym aýyr saldar bolatynyn» eskertti.
-
Tanymal ánshi Qaırat Nurtastyń úlken uly Naruldyń mektepte muǵalimimen bılegen vıdeosy kópshiliktiń qyzý talqysyna tústi.
-
Memlekettik aýdıt áleýmettik mańyzy bar azyq-túlik baǵasyn turaqtandyrýǵa tıis korporasıalardyń jumysyndaǵy júıeli kemshilikterdi áshkereledi. Josparlanǵan maqsattarǵa qol jetkizilmegenimen, basshylyqqa ústemeaqylar men syıaqylar tólengen.
