Izraıl áskeri 15 dárigerdi qatelesip óltirgenin moıyndady
Izraıl qorǵanys kúshteri Gaza sektorynda gýmanıtarlyq mısıa ókilderine shabýyl jasap, 15 dárigerdiń ómirin qıǵan qaıǵyly oqıǵa boıynsha óz kinásin moıyndady. El bıligi bul oqıǵany «kásibı qatelik» dep baǵalap otyr.
Resmı málimetke sáıkes, 23 naýryz túninde Qyzyl Jarty Aı palestınalyq uıymynyń jedel járdem kóligine, Birikken Ulttar Uıymy men Gaza azamattyq qorǵanysynyń órt sóndirý tehnıkasyna áýe soqqysy jasalǵan. Atalmysh kólikterde bolǵan barsha medısına qyzmetkerleri oqıǵa ornynda mert bolǵan. Izraıl sarbazdary jedel járdem kóligin HAMAS uıymyna tıesili tehnıkamen shatastyrǵandaryn málimdedi.
Oqıǵaǵa qatysty tergeý barysynda shabýyldy uıymdastyrǵan Golanı atqyshtar brıgadasynyń batalón komandıriniń orynbasary qyzmetinen bosatyldy. Tergeý nátıjesi boıynsha ol jedel járdem kóligin lańkestik uıym kóligi dep qatelesip, oq atýǵa buıryq bergen.
Alaıda Izraıl tarapy oqıǵaǵa qatysty naqty dálel usynbady. Qaza tapqandardyń lańkestik uıymdarmen baılanysy bary jónindegi aıyptaýlar da negizsiz bolyp shyqty. Halyqaralyq gýmanıtarlyq uıymdar men Qyzyl Jarty Aı oqıǵaǵa baılanysty alańdaýshylyq bildirip, táýelsiz jáne ádil tergeý júrgizýdi talap etýde.
You Might Also Like
-
Taıaý Shyǵystaǵy jaǵdaı taǵy da ýshyǵa tústi. Túrkıa áskeri Sırıa aýmaǵyna kirip jatyr degen aqparat tarap jatqanda, Izraıl áýe kúshteri Homs provınsıasyndaǵy T-4 áskerı áýe bazasyna soqqy jasady.
-
Almaty qalasynda jantúrshigerlik jol-kólik oqıǵasy oryn aldy. Júk kóligi jeti jasar balany qaǵyp ketken. Oqıǵa qalanyń turǵyn aýdandarynyń birinde bolǵan.
