InfoHub Logo

(İ nusqa)

Alaý batyrǵa Qudahıar degen bir jigit bala: «Quddys shaharynan keldim, Paıǵambar (arab) áýletinenmin», — dep kelip, bala bolypty. Alaý  batyr bul balany «Taza tuqymynan eken» dep, bala etip, qamqoryna alyp, áıel alyp berip, otaý tigip, bir shańyraq etip qoıypty.

Sol Qudahıardan Kereıt týypty. Alaý batyrǵa taǵy bir bala, at-esimi Sádý: «Taım degen elden keldim», — dep, bala bolypty. Sádý jigit bolyp ósken soń, masaty shulǵanyp mási-etik kıip, mol qarakól eltirili jaǵasy bar máýiti shapan kıip, el aralap balgerlik jasap, adam emdep, jaýrynshy-balger atanyp, sal-seri jigit bolyp júripti.

Sóıtip júrip elden alǵan malyn jınap, baıyǵan edi deıdi. Osyǵan oraı ol  «Jaǵaly baı» atanyp, keıin el ony «Jaǵalbaıly» atap ketipti. Alaý batyr osy kıimdi ulyna da áıel alyp berip, bir shańyraq etip qoıypty.

Sádý [den] — Sherbuǵa, [odan] — Melde bı týǵan, al onyń urpaqtary keıin «Jaǵalbaıly rýy» atanǵan deıdi.

(İİ nusqa)

Urpaqtan-urpaqqa jalǵasyp kele jatqan aýyzeki shejiremizde Jetirý birlestigine enetin rýlardyń shyǵý tegi de Bekarys urpaqtary — aǵaly-inili Arǵymaq pen Alaý esimderinen bastaý alyp jatady.

Áýeli Arǵymaqtan Teleý týǵan eken deıdi. Ol Ramadandy ózine enshiles qylyp alady. Jaýgershilik, shapqynshylyq kóp sol zamanda Alaý  batyrǵa da ár jyldarda basqa jaqtardan Sádir, Nádir, Qylýar, Sábdan degen balalar kelip panalap, onyń balasy Alshynmen enshiles atanady. Keıin Sádirden — Tama, Tabyn; Nádirden — Kerderi, Qylýardan — Kereıt týady. Sábdannan — Qaraqatys (Jaýyrynshy), odan—Melde, odan Eleý myrza týady. Osy Eleýden on eki ata Jaǵalbaıly taraıdy.

---