InfoHub Logo

(Jumash aıtqanynan)

Tún sýyp, jyly kórpe jamylyp jatamyz. Tańerteń sýyqtan qorynyp, tósekten turǵyń kelmeıdi. Apam da erteńgilik turǵanda, búrisińkirep turady. Daladan kelgende sýyqtan shimirkenip keledi. Ot jaǵyp, alaqanyn otqa qaqtap: «Qylyshyn súıretip qys keledi. Balalardyń jyly kıimi, etigi joq», — dep aıta beredi.

Ot ala kelgen qatyndar da sony aıtady.

«Etik bolmasa, kúpi men shapan sıaqty nárselerdiń jarasy jeńil ǵoı. Bir-eki ret qyzdardy jıyp jiberse, bitip qalady ǵoı», — dep júrdi.

Bir kúni Dámettiń apasy men Maqashtyń apasyn jáne janymyzdaǵy aýyldyń bir qyzyn ákelip, apam qabý qabytty. Baýyrsaq pisirdi, samaýryn qoıdy. Qyzdarǵa apam shaı berdi.

Bir azdan soń qyzdar meni shaqyryp alyp, Bátish jeńesheme aparyp ber dep, bir sabaq jip berdi. Aparyp berip edim, bir aıaq qurt-maı salyp berdi. Ákelip qyzdarmen birge jedik.

Keshke taman qyzdar kúpini bitirip, úılerine qaıtty. Apam bárine alǵys aıtyp: «Aıaq-qoldaryńa aýyrmaldyq bermesin», — dedi.

Maqal. Baq-baq etken tekeni qys kelgende kórermiz.

Batyrsynǵan jigitti is kelgende kórermiz.

---