InfoHub Logo

Tanymal ánshi Nurǵalı Núsipjanov óziniń jas kelinshegi Jadyra Seıdeshpen birge jańa joba qolǵa alǵanyn habarlady. Bul týraly ánshi áleýmettik jelidegi paraqshasynda bólisti.

Bul týraly Infohub.kz aqparat agenttigi habarlaıdy.

Jańa joba – podkast

Ánshiniń aıtýynsha, bul jobanyń alǵashqy shyǵarylymy «podkast» janryna jatady. Nurǵalı Núsipjanov bul bastamanyń ózi men jarynyń debúti ekenin atap ótti. Ol tyńdarmandardy asyǵys jazylǵan alǵashqy podkastyn qabyl alýdy ótinip, eger unasa, bul jobany jalǵastyrýǵa daıyn ekenin jetkizdi.

«Gastróldik sapardan bosaı qalsam kitaphana jaǵalaıtyn qazaq edim… Bul kúnde ýaqytymnyń basym bóligin aýrýhana urlap jatyr… Em-dom qabyldaý ómirimniń ajyramas bir bóligi ispetti. Ońashada adam sheti joq sheksiz oıǵa beriledi. Sonyń tuńǵıyq tereńine batpaý úshin áleýmettik jelini paraqtaısyń. Qysqa nusqa suhbattar shyǵypty. Jadyradan surasam “Podkast” janry deıdi. Onda eksperıment jasaıyq, dep qolqa saldym», - dep jazdy ánshi.

Nurǵalı Núsipjanovtyń bul bastamasy «Jákeńniń moınyna taǵy bir júk» dep atalyp, onyń jas áıelimen birge jańa mindet arqalaǵanyn meńzeıdi.