Photo: Ayazhan (https://www.pexels.com/@ayazhan-3173683) / Pexels
Jalaqyny kóbeıtip, búdjet qarajatyn jymqyrǵan: Jambyl oblysyndaǵy bas dáriger kúdikke ilindi
Jambyl oblysyndaǵy kópbeıindi ortalyq aýdandyq aýrýhananyń burynǵy bas dárigeri 49 mıllıon teńge búdjet qarajatyn jymqyrdy degen kúdikke ilindi.
Bul aqparatty oblys prokýratýrasy rastady. Tekserý barysynda emhana basshysy men esepshiler 2023 jyldyń aqpany men 2024 jyldyń naýryzy aralyǵynda qyzmetkerlerdiń jalaqysyn ádeıi kóbeıtip jazyp, artylǵan somany qolma-qol alǵany anyqtaldy. Jalpy, olar 49 mıllıon teńgege jýyq qarjyny jymqyrǵan.
Buǵan qosa, olar oryndalmaǵan jumystar úshin úshinshi tulǵalarǵa, sonyń ishinde jeke kásipkerlerge negizsiz aqsha aýdarǵan.
Qazirgi tańda prokýratýra sotqa deıingi tergeýdi bastap, isti Ulttyq qaýipsizdik komıtetiniń óńirlik departamenti tergep jatyr.
Oblystyq densaýlyq saqtaý basqarmasynyń málimetinshe, burynǵy bas dáriger bir aıdan astam ýaqyt jumysta sebepsiz bolmaǵany úshin qyzmetinen bosatylǵan.
-
Iandeks Go servısiniń derekteri boıynsha, Qazaqstandaǵy júk tasymalynyń aýqymy men erekshelikteri týraly qyzyqty málimetter jarıalandy.
-
21 naýryzda túnde Jerde kútilgen magnıttik daýyl bastaldy. Bul týraly ǵalymdar habarlady.
