InfoHub Logo

Naýryz merekesi qarsańynda Yandex Qazaqstan «Naýryz dáááááý bolsyn» atty merekelik naýqanyn bastady. Osy naýqan aıasynda Iandeks Go júk tasymaly servısi Qazaqstan boıynsha júrgizilgen myńdaǵan tasymaldy saraptap, qyzyqty derekterdi jarıalady. Bul derekter eldegi júk tasymalynyń aýqymyn aıqyn kórsetedi.

Bul týraly Infohub.kz aqparat agenttigi habarlaıdy.

Eń qymbat tapsyrys

Bir retki tasymaldaý úshin eń kóp tólengen soma 220 140 teńgeni qurady. Bul Almaty oblysynyń Talǵar aýdanynan Shymkent qalasyna deıingi aralyqta júzege asyrylǵan tasymal boldy. Júk 14 saǵat 36 mınýt jolda boldy.

Eń uzaq marshrýt

Eń uzaq qashyqtyqqa sozylǵan tasymal Almaty oblysynyń İle aýdanynan Shymkent qalasyna deıingi baǵyt boıynsha oryndaldy. Bul sapar shamamen 13 saǵatqa sozyldy jáne klasıkalyq qalaaralyq tasymal kóligi bolyp sanalatyn «Gazel» avtokóligimen júzege asyryldy.

Eń kóp ýaqytty alǵan tapsyrys

Shymkentten Myrzakent kentine deıingi tasymal 22 saǵattan astam ýaqytty aldy. Bul jaǵdaıda tek qashyqtyq emes, júk túri men joldyń jaǵdaıy da ýaqytqa áser etedi.

Eń belsendi júrgizýshi

Almaty qalasynyń turǵyny Qaırat bir jyl ishinde Chevrolet Damas kóligimen 3200-den astam tapsyrys oryndaǵan. Bul kúnine orta eseppen 9 tapsyrysqa teń.

Eń qarqyndy kún

2025 jyldyń 6 qarashasy – bul kúni paıdalanýshylar eń kóp júk tasymalyna tapsyrys berdi.

Jalpy aýqym

Ótken jyly júk tasymaldaýshylardyń jolda ótkizgen barlyq ýaqytyn qosqanda, bul kórsetkish 6,3 mıllıon saǵattan asty. Bul shamamen 725 jyldyq úzdiksiz jumysqa teń.

Búginde júk tasymaly servısin jeke tulǵalar da, kásipkerler de belsendi paıdalanady. Olarǵa jyldam ári qoljetimdi jetkizý qyzmeti operasıalyq prosesterdiń mańyzdy bóligine aınaldy.