InfoHub Logo

Bazarbaı Jasmın
ál-Farabı atyndaǵy Qazaq Ulttyq ýnıversıteti
«Dintaný jáne mádenıettaný» kafedrasy
Mádenı antropologıa  mamandyǵynyń 2-kýrs magıstranty.

Memleket basshysy Qasym-Jomart Toqaevtyń «Jańa Qazaqstan: jańarý men jańǵyrý joly» atty Qazaqstan halqyna joldaýy búkil álemdi alańdatyp otyrǵan geosaıası jaǵdaıdyń kúrt shıelenisýimen baılanysty qazirgi zamanǵy tarıhta buryn-sońdy bolmaǵan qarjylyq-ekonomıkalyq qıyndyqtarmen baılanysty jaǵdaımen tuspa-tus kelip otyr. Osyǵan oraı, Prezıdenttiń Qazaqstan halqyna joldaýy Ál-Farabı atyndaǵy QazUÝ-dyń Ekonomıka jáne bıznes joǵary mektebi Qarjy jáne esep kafedrasynyń profesor-oqytýshylar quramymen qyzý talqylanyp jatyr. Elimizdiń bilikti profesorlary men ǵalymdary Memleket basshysynyń paıymyn joǵary baǵalaýda. Elimizdiń saıası júıesin keshendi jańǵyrtý baǵdarlamasy usynyldy jáne bul qujat eń aldymen qoǵamnyń qajettiligine, suranysyna negizdelgeni aıtyldy. Prezıdent Qazaqstan azamattyq qoǵamy qalyptasqan memleketke aınalatynyn alǵa tartty. Qasym-Jomart Toqaev: «Jańadan qurylatyn oblystardyń Abaı, Ulytaý, Jetisý dep atalýynda erekshe mán bar. Biz ulan-ǵaıyr jerimizdiń baıyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz», –  dep atap ótti. Qazaq halqynyń árbir azamatynyń kókeıinde júrgen máseleni sheshý jolyna arnalǵan jańa joldaý el damýy men halqymyzdyń ómirinde birshama jańashyldyqtyń bolatynyn kórsetip bergendeı. Jańa Qazaqstannyń negizi saıası jáne ekonomıkalyq reformalardyń úılesimine negizdelýi kerek ekeni basa aıtyldy. El Prezıdenti «Jańa Qazaqstan: jańarý men jańǵyrý joly» joldaýynda táýelsizdikti saqtaý kerek ekenin atap ótti. Memleket basshysy: «Osy kúnderde jurtymyz táýelsizdiktiń qadir-qasıetin jan-júregimen sezindi. Tatýlyq pen turaqtylyq, tynyshtyq pen beıbitshilik qanshalyqty mańyzdy ekenin jete túsindi. Biz myzǵymas birliktiń arqasynda memleketimizdi qorǵap qaldyq», – dedi. Prezıdent óz joldaýynda  halqyna salmaqty  oı tastap, dáleldi tujyrym jasaı otyryp, naqty baǵyt usyndy. Sondaı-aq «Konstıtýsıanyń 30-dan astam babyna ózgerister engizý qajet», – dedi Qasym-Jomart Kemeluly. Bul asa kúrdeli ózgeris. Memlekettik apparat sıfrlyq quraldardy jappaı engizý kezinde ǵana iske asyrylady. Osydan keıin sheneýnikter búrokratıalyq ókilettikterdi qalpyna keltirýge tyrysyp, jappaı reaksıa jasaı bastaıdy. Osyǵan jol berilmeı, Q.Toqaevtyń tapsyrmalary dittegen jerine jetse, aldaǵy ýaqytta qaǵazbastylyqtan qutylamyz dep senemin. Joldaý sońynda Prezıdent: «Elimizdiń azamattary erteń emes, búgin baqytty bolǵanyn qalaımyn. Sondyqtan maǵan elimniń amandyǵy men jerimniń tutastyǵynan artyq eshteńe joq», – dedi. Memleket basshysy aıtqandaı, el-jurt bolyp jańa Qazaqstandy qurý jolynda aıanbaı eńbek eteıik. Sondyqtan bilimi tereń, oıy ozyq urpaqty tárbıeleıtin oqytýshylar qaýymyna zor jaýapkershilik júkteledi. Bizdiń búgingi stýdentterimiz – Qazaqstannyń jarqyn bolashaǵy.

---