InfoHub Logo

Ǵalamtor – búkilálemdik aqparattyq kommýnıkatıvti baılanys quraly. Qashyqtyqtaǵy abonentpen ǵalamtor jelisi arqyly baılanys jasap, ýaqyt tyǵyzdyǵyna qaramastan qajetti aqparatty taýyp, málimet alýǵa bolady. Pernetaqtany basyp, sózdi nemese sóılemdi jazsań boldy, birer mınýttan keıin ózińe qajetti aqparat shyǵady. Tipti izdegen adamymdy kez kelgen jerden ǵalamtor arqyly taba alasyń. Az ýaqyttyń ishinde qyrýar jumystardyń birsypyrasy atqarylyp jatady. Tez habarlasý, hat jazý aıasynda «VKontakte», «Instagram», «WhatsApp» áleýmettik jelileri elpildep turady.

Alaıda osyndaı túrli júıeleri bar ǵalamtordyń jaman tustary bolatyny ókinishti.  Ǵalamtor jelisine qosylǵan bala ózine, sabaqqa qajetti saıttarmen qatar, aqyly oıyndarǵa  kirip ketedi. Mine, bul súbeli másele bolyp tur. Qazirgi kezde jastarymyzdyń barshaǵa topyraq shashpaımyn, oı-pikiri, izdenisi joq. Oılanýdyń da qajeti joq. Ǵalamtorǵa jazasyń, mezette taýyp beredi. Kóshirip jazyp, bere salasyń. Tipti izdep, qınalýdyń qajeti joq. Qazirgi tańda kitap ustaıtyn, kitaphanaǵa baratyn oqýshylardy sırek kezdestiremiz. Referat, shyǵarma jazý kerek bolsa, ǵalamtordan izdep, tipti oqymaı bere salamyz. Muǵalim referattyń mazmunyna saı  bir suraq qoısa, oılanyp qalamyz. Óıtkeni, jalqaýlyq bılep alǵany sonshalyq, berilgen tapsyrmany oqýdan da qaldyq.  

Al endi ǵalamtor jelisindegi jappaı saýatsyzdyqqa toqtalsaq, bir qateniń ústinen ekinshi qate qabattasyp, qazirgi tańda jastarymyz saýatsyzdanyp, óz ana tilin umytyp, máńgúrttenip jatyr. Sondaǵy álemdi jaýlaǵan ǵalamtordyń ulttyq qundylyqtarda joıýǵa kúshi jetkeni me?!

Kóshede, kez kelgen jerde ǵalamtorda otyrmaıtyn, telefon ustamaıtyn adamdy kezdestire almaısyń. Tipti uıyqtaǵan kezde telefon janymyzda bolady. Al barshamyzǵa belgili WI-FI jelisi arqyly qanshama radıasıa taraıdy. Al bul aldymen bizdiń densaýlyǵymyzǵa áserin tıgizip jatyr. Sanamyzdy, jan-tánimizdi ýlap, aýrý qylatyn jaǵdaıǵa jettik.

Ár nárseniń paıdaly ári zıandy jaǵy bar. Iá, ǵalamtor qajet biraq óz ornymen paıdalaný qajet. Ǵalamtorǵa táýeldiliktiń sońy jaqsylyqqa aparmaıdy.

 

M.Ǵabdýllın atyndaǵy orta mekteptiń

Saparova Nazym 10 synyp oqýshysy

Aqmola oblysy Zerendi aýdany

---