InfoHub Logo

Jańa jyl 2023

Daýys: - Armysyzdar, hanymdar men myrzalar! Kóńilimizdiń keregesin keńeıtip, barshamyzǵa bereke syılar, merekeli keshimizdiń shymyldyǵyn ashýǵa ruqsat etińizder!
Jańa jyl merekelerińiz qutty bolsyn.
Jańa jyl elimizge, ár shańyraqqa tynyshtyq, birlik, qut - bereke ákelsin.
1 - júrgizýshi: Kel, jańa jyl,
Tórle, tórle jerime,
Qut bereke bop kelgeısiń elime,
Úmit artyp armandarǵa aıaýly.
Shattyǵyna bólegeısiń bizdi de,
Qosh keldińiz búgingi keshimizge,
Jańa tabys tileıik isimizge.
Kele jatqan jańa jyl qut ákelsin,
Myna otyrǵan barsha jan bárimizge.
Al endi qurmetti halaıyq sóz kezegin mektebimizdiń basshysyna beremiz.

Júrgizýshi: Mektebimizdiń bıshilerin shaqyraıyq,
Qoshemetpen, qurmetpen qarsy alaıyq.
Bıshilerimizdi yrǵaltyp bı bıletip,
Qol soǵyp bıik shyńǵa samǵataıyq -
Kelesi kezekti 1 synyptyń «úndi» bıimen ortaǵa shaqyramyz

Júrgizýshi:
Jańa jyldy qarsy alyp,
Jasaımyz toı jylda bir.
Jarqyn - jarqyn án salyp,
Jalǵasady jyrǵa jyr.

Qoıan: - Men, qoıanmyn, qoıanmyn,
Qorqaq emes, noıanmyn,
Shyrsha toıyn kórýge
Uıqymnan erte oıandym.

Aıý: - Men aıýmyn qorbańdaǵan,
Qarsy kelmes eshkim maǵan,
Qysqy uıqymdy qıyp búgin
Ortańyzǵa kelip turmyn.

Qoıan: - Al, aıý aǵa, bastaıyq,
Asyqpaıyq, saspaıyq!
Aıý: - Endeshe, qoıan, turmaıyq,
Shyrsha jyryn jyrlaıyq!

Án: «Shyrsha jyry» hor
Qoıan: - Aıýjan, sen qalaı oılaısyń, búgingi mereke dýmanymyzǵa jyldaǵydaı mystan kempir kelip, toıdyń shyrqyn buzbaı ma eken?
Aıý: - Qoıanjan, mystannan qorqatyn biz emes. Onyń túrine de, sózine de ábden toıdyq. Qazir zaman ózgerdi degendeı...
Qoıan: - Ia deseısh - aý, sypyrǵyshyn súıretedi de júredi, usha almaıdy da. Jurt sypyrǵyshyn tastap, shańsorǵysh paıdalanǵaly qashan?!
Aıý: - Ia, túrin aıtsańshy onyń, shashy jalbyraǵan, beti - aýzy myjyraıǵan, kózi syǵyraıǵan, tisteri ketik - ketik, kıimi alba - julba... ha - ha (kúledi).
Qoıan: - Hı - hı (kúledi).
Sol kezde mystan kempir keledi de, ekeýin sıqyrlaıdy:
- 1, 2, 3,
Sıqyrly kúsh,
Myna ekeýin lezde,
Ózgertshi tez! – deıdi de, balalardyń arasyna otyryp alady.
Sol kezde Aqshaqar keledi de ekeýiniń sıqyryn ashady.
Aqshaqar: armysyzdar, oqýshylar ata ana, jańa jyldaryńyz qutty bolsyn. Jańa jyl birlik pen tatýlyq jyly bolsyn. Balalar shyrshamyz nege jabyrqaýly?

Tolyq nusqasyn júkteý