InfoHub Logo

Qazaqstanda memlekettik merekelerge bólinetin qarajat kólemi qoǵamda úlken suraq týdyryp otyr. Jańa jylǵa júzdegen mıllıon teńge jumsalǵanymen, Naýryz meıramyna múlde qarjy qarastyrylmaǵan. Bul týraly belgili jýrnalıs Dıas Nuraqyn óz zertteýlerinde málimdedi.

Jańa jylǵa qarjy bar, Naýryzǵa joq

Jýrnalısiń aıtýynsha, 2023 jyly ákimdikter jańa jyldyq bezendirýge jáne merekelik is-sharalarǵa qyrýar qarajat jumsaǵan:

• Astana – 836 mıllıon teńge;
• Almaty – 800 mıllıon teńge;
• Shymkent – 80 mıllıon teńge.

Basqa óńirler de jańa jyldyq merekege aıtarlyqtaı qarjy bólgen. Al Naýryz meıramyna respýblıkalyq búdjetten birde-bir teńge qarastyrylmaǵan.

Bul aqparatty Qarjy mınıstri Mádı Tákıevtiń ózi rastaǵan, ıaǵnı, memleket úshin Naýryzǵa arnaıy qarjy bólý kún tártibinde joq.

Naýryz nege eleýsiz qalyp otyr?

Jýrnalısiń pikirinshe, Naýryz ultty uıystyratyn mereke bolǵanymen, oǵan bıliktiń yqylasy tómen. Almaty ákimdigi tek 71 mıllıon teńge kóleminde bannerlerdi ázirleýge tender ótkizgen, biraq bul qarajat tolyqqandy is-sharalar uıymdastyrýǵa jetpeıdi.

"Jańa jyl qarsańynda kósheler túrli-tústi shamdarmen bezendirilip, ákimdikter jarysa qarjy bóledi. Al qazaqtyń tól jańa jyly – Naýryz kelgende bul yqylas sý sepkendeı basylady. Qala ortalyǵyna kıiz úı tigilip, ulttyq kıim kıip, fotoǵa túsý ǵana dástúrge aınalyp barady" – deıdi jýrnalıs.

Qoǵam belsendileri men jýrnalıser Naýryzǵa memlekettik deńgeıde laıyqty mán berýdi, oǵan tıisti qarajat bólýdi talap etýde. Eger ulttyq meıramǵa ádiletti qarjylyq qoldaý kórsetilse, halyq arasynda da oǵan degen qurmet pen qyzyǵýshylyq arta túser edi.