InfoHub Logo

Sabaqtyń taqyryby: Jándikter álemi
Sabaqtyń maqsaty: Balalardyń tabıǵat álemine degen qyzyǵýshylyǵyn arttyrý, jándikterdi qorǵap, olarǵa qamqor bolýǵa baýlý. Jándikter túrlerimen tanystyrý, olardyń paıdasy týraly málimet berý. Balalardyń qol qımyl áreketin jetildirý, shyǵarmashylyq pen jumys isteýge úıretý.
Kórnekilikter: jándikter sýretteri, jándikter, jańǵaq qabyǵy, ermeksaz

Sabaqtyń barysy
İ. Uıymdastyrý bólimi
- Sálemetsizder me balalar, kóńil-kúıleriń qalaı?
- olaı bolsa búgingi sabaǵymyzdyń taqyrybyn ashý úshin men senderge birneshe jumbaq jasyramyn
(Slaıdqa jazylady, artynan sýreti kórsetiledi).

1. Yzyndap án salady,
Jup - juqa qanaty,
Táttige tamsanyp,
Qoqysqa qonady. Ol ne? (Shybyn)

2. Gúlderge qonady,
Shyrynyn sorady,
Túr - túsi sary - ala. Bul ne? (Ara)

3. Qyldaı beli búgilgen,
Ózinen de júgi úlken. Ol ne? (Qumyrsqa)

4. Tórt qanaty bar,
Inedeı denesi bar.
Úlken baqyraıǵan kózi bar,
Bul ne eken, kim tabar? (ınelik)

5. Gúl ústinde ádemi,
Tórt japyraq bıledi,
Julyp alaıyn dep edim,
Ustatpaı ushyp ketti. (kóbelek)
- Bul jumbaqtar ne jaıly, olardy bir sózben qalaı ataıdy?
- jándikter.
- durys, jaraısyńdar, durys taptyńdar. Sonymen búgingi sabaǵymyzdyń taqyryby «Jándikter álemi» dep atalady

İİ. Jańa sabaq.
Balalar, jándikter kóktem mezgilinde, kún jylynǵanda shyǵa bastaıdy. Myna jándikter qalaı atalady? (kóbelek, ara, ınelik, qumyrsqa, qońyz, shegirtke, qanqyz, shybyn). Jándikterdiń arasynda paıdalysy da bar, zıandysy da bar. Mysaly arany alsaq. Ol óte paıdaly jándik. Ara gúlderdiń shyrynynan bal jınaıdy, al baldy adamdar paıdalanady, emge qabyldaıdy, ártúrli tátti taǵamdar daıyndaıdy. Kóbelekter gúlderdi tozańdandyrady, talshyǵynan jibek mata alynady. Qońyz ósimdikterdiń japyraǵyn zıandy qurttardan tazartyp, emdeıdi. Qumyrsqa eńbekqor jándik. Ileýine qonǵan qustardyń búrgelerin tazartady. Shegirtke zıandy kók shópterdi, egindi jep qurtyp jiberedi. Shegirtkeler toptalyp júredi.
Qanqyzdyń bizge tıgizetin zıany joq, ony qolǵa ustasaq órmelep júredi, qanattaryn jaıyp ushady. Endi ózimiz qanqyzdy músindep úıreneıik.

1 tapsyrma.
Qanqyzdy músindep úırený.
Qyzyl ermeksazdy sylaý ádisi boıynsha jańǵaq ústine birkelki etip jaǵamyz. Qyzyl ermeksaz tegistelip jaǵylǵan jańǵaq ústine usaq qara dóńgelekterdi ornalastyryp, aıaqtaryn ıip, jańǵaqqa qosyp biriktiremiz. (qanqyz sýreti)

2 tapsyrma.
Sıpap sezý arqyly qapshyqtyń ishinen jándikterdi tap.
Qapshyqtyń ishinde birneshe zattar salynǵan, sonyń ishinen jándikterdi sıpap sezip tabý qajet.

Sergitý sáti
Uzyn murtty qumyrsqa,
Kele jatty jumysqa.
Aldy dopty qolyna,
Qoıdy dopty ornyna.
Ońǵa, solǵa qarady,
Úlken taý dep oılady.

3 tapsyrma
Topshamamen jumys
Artyǵyn tap.
Sharty: Berilgen topshamanyń ishindegi sýretke muqıat qarap bir artyq sýretti tabý.