InfoHub Logo

Aqyryn júrip, anyq bas,

Eńbegiń ketpes dalaǵa,

Ustazdyq etken jalyqpas,

Úıretýden balaǵa…»-dep, Abaı atamyz beker  aıtpaǵan. Ustazdyq bul ómirdegi eń jaqsy, eń adal, eń jaýapty, qyzyǵy men qıynshylyǵy qatar júretin  mamandyqtardyń biri. Ustaz árqashanda izdený ústinde bolý kerek, únemi jańalyqty ashýshy,izdenimpaz  bolýy  kerek,

Endigi alǵa qoıǵan maqsatym — bilikti ustazdardyń qatarynan kóriný, bilimdi jastar tárbıeleý. «Bala júregi- kishkentaı kúı sandyq. Sol sandyqtyń kiltin tapsań ǵana ashylady. Muǵalimniń qolynda ár kezde sol kilt turý kerek» dep M. Shahanov aǵamyz aıtqandaı, ár balanyń júregine jol tabý, bala boıyndaǵy daryndy ashý muǵalimniń mindeti dep oılaımyn. Qazir jas mamanmyn — bolashaqta ózim bilim alǵan ustazdarym sekildi bilikti de,ushqyr maman bolý meniń alǵa qoıǵan maqsattarymnyń biri. Muǵalimder qataryn tolyqtyryp otyratyn men sekildi jas mamandar da talmaı únemi izdenis ústinde bolyp, ár pándi joǵary deńgeıde, sapaly etip ótkizse — shyǵar asýymyz alys emes.

Meniń bala kúnimnen bergi armanymnyń biri-ustaz bolý bolatyn. Óıtkeni kishkene kezimnen bastap,ózim tálim alǵan ustazdaryma qarap,boı túzedim. Búgingi kúni men ózime  tálim-tárbıe bergen ,bilim nárimen sýsyndap, qıaǵa ushyrǵan altyn uıa mektebim Tasótkel orta mektebine qaıta oralyp, eńbek jolymdy osy jerden bastap jatyrmyn. Mamandyǵym –aǵylshyn tili pániniń muǵalimi. Men óz mamandyǵymdy sheksiz súıemin. Óıtkeni meniń oqytatyn pánim álemdegi eń uly mamandyqtardyń biri, men oqýshylaryma tek qana aǵylshyn tilin úıretip qana qoımaı, sonymen qatar onyń ómirdegi mańyzdylyǵyn uǵyndyrǵym keledi. Halqymyzda «Jas kelse — iske» degen keremet sózi bar. Demek men boıymdaǵy jastyq jigerimdi, kúsh -qýatymdy, jańashyldyǵymdy shákirt tárbıeleýge jumsaýym kerek. Bolashaqta óz oqýshylarymdy bıik belesterden kórsem, sol úshin ózimniń kishkene de bolsa úlesim tıgen bolsa, men ózimdi baqytty ustaz, baqytty adam dep bilemin. Men oqýshylaryma aǵylshyn tiline degen qyzyǵýshylyǵyn, bilimge degen yntasyn túrli jańa ádis-tásildermen oıatýǵa tyrysyp otyramyn, ár sabaǵymdy túrlendirip otyramyn.Qazirgi tańda bilim berý uıymdarynda jıi qoldanylyp otyrǵan jańa ádis — tásilderdiń biri oqýshylardyń jazý men oqýda syn turǵysynan oılaý qabiletin qalyptastyrý  jáne aqparattyq — kommýnıkatıvtik tehnologıalarǵa baǵyttalǵan ádis -tásilder. Osyndaı ádisteme negizinde oqýshylarǵa aǵylshyn tili páninen tereń de tıanaqty bilim berýdi óz tájirıbemde jıi qoldanamyn. Meniń pikirimshe, muǵalim bolý úshin jan-jaqty bolý qajet. Eń bastysy-balaǵa degen meıirimdilik. Muǵalim–aldynda otyrǵan árbir oqýshynyń qandaı kóńil-kúıde ekenin, olardyń árqaısysynyń neni qalaı qabyldaıtynyn, mine osylardyń báriniń tilin taba bilýi qajet. Ustaz-árdaıym aqylshy dos, syrlasýshy.

Aqtóbe oblysy Hromtaý aýdany

Tasótkel orta mektebiniń aǵylshyn tili pániniń muǵalimi

Baqtıarova A.E

---