InfoHub Logo

Keshe ǵana ásem ánimen eldi tánti etken Aqerke Búrkitbaıdyń shańyraǵyna qaıǵy keldi. Ánshiniń aıtýynsha, onyń óner jolyna baǵyt siltep, qanat qaqtyrǵan ustazy Sulýhan Qojantaeva dúnıeden ozdy.

Bul týraly Infohub.kz aqparat agenttigi habarlaıdy.

Ustazǵa arnalǵan saǵynysh

Aqerke Búrkitbaı jelidegi paraqshasynda ustazyna degen saǵynyshyn jetkizdi. Onyń aıtýynsha, Sulýhan apaıy oǵan qobyz úıretip, ónerdiń shyńyna shyǵarǵan jan edi.

«Búgin júregime aýyr habar jetti. Alǵash ret qolyma qobyz ustatyp, ónerdiń esigin ashqan aıaýly Qojantaeva Sulýhan apaıym ómirden ótti. Sizdiń ár sabaǵyńyz, ár jyly sózińiz meniń júregimde máńgi saqtalady. Qobyzdyń únimen birge bergen tálimińiz ben meıirimińiz ómir boıy menimen. Ákem alǵash jetektep Kishi Óner Akademıasyna alyp barǵanda, siz tek ustaz emes, jalpy ónerge degen súıispenshilikti, qobyz aspabyna degen mahabbatymdy oıattyńyz. Janyńyz jánnatta bolsyn, apaı», – dep jazdy Aqerke.

Kópshilik ánshige kóńil aıtyp, jaqsy tilekterin jaýdyrýda.