InfoHub Logo

Ázilkesh Tursynbek Qabatovtyń jary Aıman Talǵatqyzy jelidegi jazbasynda turmystyq jaǵdaıyn kórsetti. Ol ózin «daıynǵa keldiń» dep synaǵandarǵa jaýap berdi.

Bul týraly Infohub.kz aqparat agenttigi habarlaıdy.

Aımannyń jazbasy

Aımannyń aıtýynsha, úıde as úı jıhazy áli tolyq kelmegen. Sondyqtan keıbir sharýany ýaqytsha qolmen atqaryp júr. Sýdy da tasyp iship otyrǵandaryn jasyrmady. Degenmen, ol mundaı jaǵdaıǵa moıymaıtynyn, kerisinshe shúkirshilik etetinin jetkizdi.

«Ydysty da qolmen jýamyn desem, senesizder me? Biraq solaı. Esesine rýhanı baımyn. Negizi neshe túrli as pisire alamyn, biraq as úıdegi jıhazym kelsin. Sosyn patyrlatyp kórsetip, salyp otyramyn. Ázirge lajy osy. Sýdy da tasyp iship júrmiz. “Daıynǵa keldiń, aspannan salbyrap tústiń” demeńder, aınalaıyndar. Sondyqtan úıdiń ár buryshynyń ádemiligi, ıisi men berekesi áıelge baılanysty. Joq dep jylap, qaıǵyryp jatqanym joq. Kerisinshe, shúkir. Adal eńbekpen kelgen ár buryshta, ár zatta bereke bar, túsingen janǵa. Osy barymmen kúnde tamaq jasap, birge bólisip otyraıyq, qalaı?», - dep jazdy Aıman.

Pikirler

Jeli qoldanýshylary jazbaǵa túrli pikir qaldyrdy. Bireýleri qoldaý bildirse, endi bireýleri turmystyń ýaqytsha ekenin aıtyp, sabyrlyq tiledi.