InfoHub Logo

Taqyryby: «Jaqsy kóńil kúı – jan azyǵy»
Maqsaty: Ata - analardyń psıhologıalyq kóńil kúılerin kóterý, shyǵarmashylyq qabiletterin baǵalata bilý, ózderine qurmetpen qaraý, syılastyq qarym - qatynasqa shaqyrý, mektepke jaǵymdy kózqaras qalyptastyrý.

Psıhologıalyq saǵattyń kezeńderi
1. «Meniń esimim»
2. Jaǵdaıattar sheshý
3. Fıgýralyq test
4. Sergitý sáti «Úrlengen qýyrshaq»
5. Meniń boıymdaǵy qasıetter
6. Qoltańba
7. «Men óz balamdy qanshalyqty tanımyn»
8. Relaksasıa
9. Refleksıa

Adam kóńiliniń tazalyǵy, kóńil kúıiniń jaman, jaqsy bolýy ózine baılanysty. Soǵan qaramastan, kóńilge áser etetin, kóńildi buzatyn, kóteretin de jaǵdaılarǵa syrtqy ortanyń áseri kóp. Adam kóńildi júrse, kóńil kúıi eshnársege alańdamasa, densaýlyǵy, jumysy jaqsy bolyp, otbasyna da, ujymyna da, qoǵamyna da qıynshylyqtar kezdespese adamnyń kóńili kóterińki, ýaıymsyz júredi. Endeshe men sizderge kóńilderińiz esh nársege alańdamaı kóterińki bolýyna tilektespin. Qazir sizdermen biz «Jaqsy kóńil kúı - jan azy» taqyrybynda psıhologıalyq saǵat ótkizemiz. Psıhologıalyq saǵatty bastamas buryn sizderden ótinip suraıtynym myna erejelerdi saqtasańyzdar

EREJELER:
1. Bir - birimizdi tyńdaımyz;
2. Janyńyzdaǵy adamdarmen jaqsy qarym - qatynasta bolamyz;
3. Ýaqytty únemdeımiz;
4. Belsendilik kórsetemiz;
5. Mańyzdy nárselerdi ǵana aıtamyz;
6. Óz oıymyzdy ashyq aıta bilýge úırenemiz;

1. Maqsaty: Sálemdesý - tanysý rásimin qyzyqty etip ótkizý top músheleri arasynda jaǵymdy qarym - qatynas ornatý, sabaqqa qatysýshylardyń kóńil kúıin kóterý.
Qurmetti ata - analar eń aldymen tanysyp sálemdesip alaıyq, aldaryńyzda qaǵazdan jasalǵan mańdaıshalar tur sol mańdaıshaǵa búgingi sabaqta sizderdi qalaı ataımyz ózderińizge at qoıyp sony sol mańdaıshaǵa jazyp qoısańyzdar.... Eger at qoıyp bolsańyzdar sol attaryńyzdy jazǵan mańdaıshalaryńyzdy ortaǵa ala shyǵyp sheńber jasap turaıyq. Endi osy qoıylǵan esim boıynsha atap búgingi kúnge bir birlerimizge tilek tilesek
Adam balasy bolǵannan soń bárimizde jaqsy tilek estigendi jaqsy kóremiz, jaqsy tilek estisek bir sát bolsyn kóńilimiz kóterilip bir marqaıyp qalamyz, kóńildiń kóterilgeni ózderińiz bilesizder densaýlyqqa da paıdaly, qartaıýdy da aldyn alady.

2. Jaǵdaıattar sheshý
Maqsaty: Kez kelgen qıyn jaǵdaıdan shyǵýǵa úıretý, balalarynyń quqyǵynyń saqtalýyna, balalaryna durys kóńil bólýge baýlý

1 - jaǵdaıat. On jasar balasynyń bólmesin jınap júrgen sheshesi balasynyń bir qatar zattaryn qajetsiz dep laqtyryp jiberdi. Balasy sabaqtan kelgen soń, bul jaǵdaıdy kórip sheshesine qatty renjidi. Sheshesiniń oıynsha balasynyń mundaı renish bildirýge qaqysy joq. Sebebi osy úıdi rettestiretin, qalypqa keltiretin jalǵyz adam sheshesi bolǵandyqtan, qalaı jınaıdy, solaı bolýy tıis.
Suraq: Sheshesiniń is áreketi durys dep oılaısyz ba?
Qandaı qatelik bar?
Balanyń qandaı quqyǵy buzyldy?

2 - jaǵdaıat. Balasynyń kúndeliginde únemi onyń mektepte janjal shyǵarǵandyǵy týraly eskertý jazýly turady. Osy úshin balaǵa ata - ana tarapynan jazalaý maqsatynda árkez kúsh qoldanǵan.
Suraq: Balanyń mektepte únemi janjal shyǵarýy nelikten?
Osy jaǵdaıda ata - ana ne isteý kerek?

3 - jaǵdaıat. Bala óte qatal otbasynda tárbıelenedi. Oǵan ata - anasy eshqashan oıynshyq satyp alyp bermedi, tátti áperip erkeletpedi, konsert, kıno, spektáklge de baryp kórmedi. Ata - anasynyń aıtqanymen júrdi, degenine kóndi, tek buıryqty júzege asyrýshy, oryndaýshy qalypta ǵana ósti. Bala ata - anasynyń barlyq aıtqandaryn eki etpeı, buljytpaı oryndasa da olardan bir aýyz jyly sóz estimedi.
Suraq: Mundaı otbasy týraly ne aıtar edińiz?
Siz balańyzdyń osyndaı bolyp ósýin qalaısyz ba?

4 - jaǵdaıat. Sońǵy kezde symbattyń tárbıesine baılanysty otbasynda eki túrli kózqaras týyndap otyr. Ákesi Symbatty shyǵys jekpe-jeginiń úıirmesine jazamyn, keıin ózin ózi qorǵap úırenedi dese, anasy balasynyń ol úıirmege barýǵa múldem qarsy. Onyń oıynsha, bul qyz bala aınalysatyn is emes. Symbat ne isterin bilmeı áýre. Úıirmege qatysqysy keledi, biraq anasynyń kóńilin de qaldyrǵysy kelmeıdi
Suraq: Mundaı jaǵdaıda ata - ana ne isteý kerek?
Siz kimniń kóz qarasyn jaqtaısyz? Ákesiniń be? álde sheshesiniń be?

5 - jaǵdaıat. On eki jasar Ásemge qonaqqa kelgen Aıgúl apasy jaqsy kitap pen úlken shokolad konfetin alyp kelip berdi. Ásem anasynyń úıretkenindeı rahmetin aıtyp, rızashylyǵyn bildirdi de apasyna «Mende mundaı kitap bar, al shokolad men jemeımin» dep jaýap qaıtardy.
Suraq: Mundaı jaǵdaıda siz balańyzǵa ne aıtar edińiz?
Balańyzdy syılyqty qalaı qabylda dep úıretesiz?