InfoHub Logo

Ataqty psıholog bir konferensıasynda “Kimdi jaqsy kórseńiz, oǵan baryp jaqsy kórgenińizdi ashyq aıtyńyz”, — degendi aıtady. Bir apta ótkende psıhologqa bir jas jigit telefon soǵady:

— Ótken aptada aıtqan sózińiz meni qatty oılandyrdy. Konferensıadan shyǵyp, úıge deıin jaqsy kóretin eshkimim joq ekeni týraly oılap bardym. Men osydan bes jyl buryn ákemmen qatty urysyp úıden ketken bireýmin. Sol kezden beri bir-birimizge til qatpaıtyn boldyq. Tipti otbasy birge jınalǵan kezderdiń ózinde, onymen kezdespeýge tyrysatynmyn. Úıge jetkenimde “jaqsy kóretinimdi” ákeme aıtýǵa nıettendim. Osyndaı sheshimge kelýdiń ózi ústimnen aýyr júk túsirgendeı boldy. Úıden shyǵyp, ata-anamnyń úıi jaǵyna bardym. Olardyń esigin qaǵyp, esikke ákemniń shyǵýyn tiledim. Óıtkeni birinshi anamdy kórip qalsam, jaqsy kórgenimdi oǵan aıtyp ákeme jolyǵýǵa taǵy da batylym barmaı ketetinimdi sezdim. Esikti ákem ashty. Tabaldyryqty attamaı esiktiń aldynan: — “Áke, seni jaqsy kóretinimdi aıtý úshin keldim”, — dedim. Ákem birden múldem basqa adam bolyp ketkendeı boldy: júzi jumsaryp, kózi jasaýrady! Meni qushaqtaı salyp, basymnan sıpalaı berdi de:

— “Men de seni jaqsy kóremin, ulym meniń. Osyny erterek aıtpaǵanyma keshir”, — dedi.

Eki kúnnen keıin ákem ınfarkt bolyp, aýrýhanaǵa tústi. Ákeme jaqsy kórgenimdi aıtpaı taǵy júre bergenimde … oǵan jaqsy kórgenimdi aıtyp úlgermegenimde … Olaı oılaýdyń ózi qorqynyshty. Aıtaıyn degenim —jaqsy kórgenimizdi der kezinde aıtý kerektigin jaqsy uqqandaımyn. Raqmet sizge!

Oqýǵa keńes beremiz:

5 oqıǵa

Ómirdiń jańǵyryǵy

Djon Rokfeller bergen chek

---