InfoHub Logo

Qymbatty jas jubaılar! Sizderdi zańdy nekelerińizben quttyqtaımyz! Shyn júrekten mahabbatty máńgige saqtaýlaryńyzdy tileımiz! Búgingi kún - sizderdiń ómirlerińizdegi eń baqytty kún. "Úılený ońaı, úı bolý qıyn",- deıdi halqymyz. Men sizderge ózara túsinistik, mahabbat pen tatýlyq tileımin. Sizderge tileıtinimiz - búgingideı baqytty sát ómir boıy birge bolsyn!

*** *** *** ***

Úılený ońaı, úı bolý qıyn degen bar,
Sanaly jastar bul sózdi uǵyp baǵyńdar.
Qos ózen syndy qos taǵdyr búgin qosylsa,
Jarasyn taýyp jasalsyn izgi qadamdar.
Ómir jolynda serik bop ylǵı sáttilik,
Shamshyraq syndy jeteleı bersin tátti úmit.
Beý qaraqtarym, altyn toıdy da toılańdar,
Otaýlaryńnan qýanysh ketpeı baq tunyp.
Kóńilde kóktep mahabbat gúli, nur gúli,
Estilsin úıde kúmis kúlkiniń syńǵyry.
Órisi keńip babadan qalǵan áýlettiń,
Terbelip besik, estilsin sábı byldyry.
Adamı ǵumyr bolary aıqyn bir núkte,
Jaqsylyq keler yntymaq barda, birlikte.
Bas qosqan jastar, senderge úlken tilegim,
Birińe biriń súıenish bolǵyn tirlikte.

*** *** *** ***

Aqyl aıttym, ul-qyzym, urpaǵyma arnadym,
Berekege shaqyram, baıqarsyń sózdiń salmaǵyn.
Týysqanmen aqyldas, bos qaıtpasyn qarmaǵyń,
«Ene kórgen — ton pisher» degen sózdi jalǵadym.
Jaqsy oılanyp, jastarym, munyń da baıqa salmaǵyn,
Bireýler maqtap jaǵynar, kóre almaı bireý tarylar.
Oıdaǵyny aıtty dep, bireýler meni saǵynar,
Túsinetin sóz mánin jaqsy adamdar tabylar.
Aǵaıyn — týys, qurbylar bilgenin maqtap, jyr qylar,
Keıbireýi jamandap, jegenińdi qum qylar
Aýyz birlik saqtaǵan, berekeni jaqtaǵan
Al týysqan aǵaıyn, qaısybirin jazaıyn -
Kóre almaǵan adamdar, ózi tartsyn sazaıyn.
Jastaryma — amanat, tyńdasańdar jamaǵat,
Jastaryma bul sózdiń qalǵandary amanat.
Berekemen basqaryp, birińdi-biriń qamdańdar,
Bilim menen ónerde taǵy da artta qalmańdar.
Jastar dep soqqan júregim, týysty jaqsy bilemin,
Baqytty jastar bolyńdar, qabyl bolsyn tilegim.

*** *** *** ***

Dastarhannyń basynda,
Ne bir jaqsy osynda.
Men bir bata bereıin,
Dos-jarandar qasynda:
Qos órim jas — qos órkesh,
Qalıjan men Bátıma.
Baqyttyń ashyp qaqpasyn,
Aq otaýyn kóterip,
Qut bosaǵa attasyn,
Eńbek etsin elmen teń,
Erinip úıde jatpasyn.
Dastarhany keń bolsyn,
Kelgende buryp at basyn.
«Kúlshashary» kóp bolsyn,
Qýantar ata-anasyn,
Aıtyp-aıtpaı ne kerek,
Sózimniń bolsyn túıini:
Zerdeńe quı eki jas,
Naǵashynyń batasyn.

*** *** *** ***

Qýanysh qaıyrly bolsyn,
Jastar abyroıly bolsyn.
Ýaıymdary joq bolsyn,
Kóńilderi toq bolsyn,
Adal eńbek arqasynda
Tabystary mol bolsyn.
Alaqandary ashyq bolsyn,
Ómirge mashyq bolsyn!
Kúıbeń qalyp keıin qalmaı,
Jańalyqqa ǵashyq bolsyn.
Urpaqtary er bolsyn,
Kemeńgerlermen teń bolsyn.
Olardy kóre almaǵandardyń
Bedel-bereketi kem bolsyn.
Áýmın!

*** *** *** ***

Shańyraqtaryń bıik bolsyn,
Bosaǵalaryń berik bolsyn.
Baý-baqshalaryń órik bolsyn.
Basyńda dáıim,
Qulpyrǵan qundyz bórik bolsyn.
Aq júzińde jaryńnyń,
Aq kımeshek kórik bolsyn.
Qudaı qalasa,
Kóp uzamaı jerik bolsyn.
Torsyq shekeli ul taýyp,
Ol ózińe serik bolsyn.
Áýmın

*** *** *** ***

Jas kelinge bata

Jastardyń kóp qatasy.
Jek kórmeıdi balasyn,
Anasy men atasy,
Balalar, kóter qolyńdy,
Qaıyrly qutty jolyńdy,
Iem bersin mal men bas,
Toltyrsyn ol men solyńdy.
Men bereıin batamdy,
Kishipeıil bolyp kelinjan,
Syıla eneń men atańdy.
Kekshil bolma, qaraǵym,
Keshirer árkim qatańdy.
Bola bersin oıyn-toı,
Qyzyqtap toılaý – qurmet qoı.
Aqyl, esten aırylmaı,
Jastarym, eske alyp qoı,
Qaıyrly bolsyn toıyńyz,
Qudalar keýde soqtyryp,
Quıryq, baýyrǵa toıyńyz.
Áýmın

*** *** *** ***

Qos aqqýdaı kóldegi,
Qyzǵaldaqtaı beldegi,
Jas jubaılar ekensiń,
Bata berem kel beri.
Dáýletti, maldy bolyńdar,
Juqarmas jaldy bolyńdar,
El-jurtyń maqtan tutatyn,
Jastardyń aldy bolyńdar.
Tutatqan shyraqtaryńdy,
Bastalǵan murattaryńdy,
Bir Alla qoldap árdaıym,
Jaıqaltsyn quraqtaryńdy.
Otaýlaryń orda bolsyn,
Attaryń jorǵa bolsyn.
Qymyzyń qymyzyq tatyp,
Mesteriń qorda bolsyn.
Áýmın

*** *** *** ***

Syrtyńnan dushpan júrmesin,
Kóńilińe úreı kirmesin.
Kóre almaǵan kúnshilder,
Kúshikteı shýlap úrmesin.
Syıly etip Alla basyńdy,
Ǵumyrly qylsyn jasyńdy.
Arýaq qoldap ór, shyńǵa,
Domalatsyn tasyńdy.
Qadirin bilgin anańnyń,
Qyzyǵyn kórgin balańnyń.
Kúniń men isiń túspesin,
Qolyna topas sarańnyń.
Asqaq bolyp armanyń,
Araılap atsyn tańdaryń.
Maqsatyńa jete ber,
Aman bolyp mal-janyń.
Áýmın

*** *** *** ***

Jetegiń buıda bolsyn,
Arqanyń shýda bolsyn.
Beretin asyń bolsyn,
Kóretin jasyń bolsyn.
Besigiń aldyńnan túspesin,
Basyńnan jaqsylyq ketpesin,
Jamandyq saǵan jetpesin.
Áýmın

*** *** *** ***

Jas kelinniń qonǵan jeri
Qutty qonys, tuǵyr bolsyn.
Bireýi shal, biri kempir –
Qosa aǵarǵan ǵumyr bolsyn.
Balapanmen, balaqanmen
Besik ishi jybyr bolsyn.
Qulyn taıdyń asyrymen
Ottyń basy dúbir bolsyn.
Súıispendik mahabbatpen
Tátti kúlki, sybyr bolsyn.
Kári kútip, bala baǵyp,
Mol qyzyqtan yǵyr bolsyn.
Kárilerge meıirimdi,
Kelinderge ádep bolsyn.
Ata kútý, ana baǵý,
Ata joly ádet bolsyn!
Áýmın

*** *** *** ***

Elińe eleýli bol,
Halqyńa qalaýly bol,
Ata-eneńe jaǵymdy bol,
Qaıynaǵa, qaınyńa qaıyrymdy bol.
Aýylyńa aıbarly bol,
Kúıeýińe jaıdarly bol.
Áýmın

*** *** *** ***

Qosylyp turǵan qos ulan,
Igilikti, alaýly bolyńdar.
Halyqqa qalaýly bolyńdar.
Ómir boıy birińdi-biriń
Jamandyqqa qımańdar.
Meıirbandy mahabbatpen,
Úlkenderdi syılańdar!

*** *** *** ***

Tabystary kóp bolsyn,
Alaqandary ashyq bolsyn,
Ómirge mashyq bolsyn!
Kúıbeń qaǵyp keıin qalmaı,
Jańalyqqa ǵashyq bolsyn,
Urpaqtary er bolsyn,
Kemeńgerlermen teń bolsyn.

*** *** *** ***

Jas balanyń kúlkisin ber,
Jas ananyń uıqysyn ber,
Jomarttyń jolyn ber,
Qyzdyń qylyǵyn ber,
Sýdyń tunyǵyn ber,
Asaýdyń arynyn ber,
Túngi ottyń jaryǵyn ber,
Dalanyń jazyqtyǵyn ber,
Gúldiń náziktigin ber,
Teńizdiń tereńdigin ber,
Lashynnyń júregin ber,
Naǵyz dostyń tilegin ber,
Máńgi baqı ajyramas
Shyn ǵashyqtyń bilegin ber!

*** *** *** ***

Áýmın – dep qolyń jaı,
Men bir bata bereıin.
Bergende bata ne deıin:
Áýeli Qudaı ońdasyn,
Malyń menen basyńa
Esh jamandyq bolmasyn.
Berekeli baq qonyp,
Birdeı óssin mal-basyń,
Nesibeń artyp kún saıyn,
Ózegiń eshbir talmasyn.
Jaratqan jabbar jar bolyp,
Pendege kúniń salmasyn!
Jaratýshy qudiret,
Jarylqaýdyń qamyn et,
Zylıqa men Júsipteı, et!

*** *** *** ***

Sezimniń páktigin bersin,
Kóńildiń aqtyǵyn bersin,
Jylýly ot bastaryńa
Sábıdiń shat únin bersin!
Peıilderiń tarylmasyn,
Sharshap-shaldyqqandar
Tórlerińe damyldasyn!
Kóldeneń keselden saqtasyn,
Kúńkil ósekten saqtasyn,
Daý-janjaldan saqtasyn,
Dostan kóńil qalǵannan saqtasyn!
Shaıtannyń azǵyrýynan,
Eldiń jazǵyrýynan, saqtasyn!
Asyp-tasqannan saqtasyn,
Alshań basqannan saqtasyn!
Otaýlaryń elge sán bolsyn,
Ómirleriń bal bolsyn!

*** *** *** ***

Áýeli qudaı ońdasyn,
Perishteler bolsyn joldasyń.
Aq batamyz pák bolsyn,
Aq ordańa baq qonsyn!
Jas otaýyń basqa tolsyn,
Allah myń bir atty páleden saqtasyn.
Júz bir atty qaterden saqtasyn,
Tildiniń tilinen saqtasyn,
Kózdiniń kózinen saqtasyn,
Kezengenniń kezinen saqtasyn.
Ósek, aıań kúndeýden,
Pále-jalanyń bárinen,
Bir Allah sizdi saqtasyn!
Áýmın, Allahý ákbar!

*** *** *** ***

Áýmın deseń mine bata
Qonsyn dep Qydyr Ata.
Qydyr daryp, Baq qonsyn,
Kóńilderiń tolar shaq bolsyn.
Kúnderiń shýaqty bolsyn,
Kóńilderiń sýatty bolsyn,
Aspandaryń juldyzdy bolsyn,
Jan uıada ul da, qyz da bolsyn.
Uldaryń basty bolsyn,
Qyzdaryń shashty bolsyn,
Mynaý meniń emes,
Paıǵambardyń batasy bolsyn  
Adal tilek astaryńa
Uzaq ómir jastaryńa
Januıa tatý tátti bop
Baqyt qonsyn bastaryńa!
Áýmın!

*** *** *** ***

Bizderden tilek: jamannyń suǵy ótpesin,
Kesirdiń sózi joldaryńdy kesip ketpesin.
Tirnektep jıǵan yrys pen dáýlet, baılyǵyń,
Úıińe qut bop, qyzyǵy onyń bitpesin.
 
Peıilderiń eshqashan tarylmasyn,
Bastaryńnan baq-dáýlet arylmasyn.
Kóretin qyzyqtaryń kóp bolyp,
Toılaryń toıǵa ulassyn! 
Áýmın!

*** *** *** ***

Baqytty bol, baǵyń ashylsyn,
Ár kúniń shattyqqa tolsyn.
Bosaǵańa jamandyq jetpesin,
Tórińnen jaqsylyq ketpesin.
Uldaryń onshaqty bolsyn,
Qyzdaryń monshaqty bolsyn.
Bastaryńa baq qonsyn,
Jaratqan ıem jaq bolsyn.
Yntymaq serik bolsyn.
Shańyraqtaryń bıik bolsyn.
Nesibe-yrys ıip kelsin.
Dastarhandaryń keń bolsyn.
Qyzyq-qýanysh teń bolsyn.
Úı-ishteriń merekeli bolsyn,
Ómirleriń berekeli bolsyn.
Tilekteriń aq bolsyn,
Mahabbattaryń pák bolsyn.
Áýmın!

*** *** *** ***

Búgingi qýanysh toıyna
Tileıin tilek jan-jaqty
Qyzdaryń bolsyn monshaqty
Uldaryń bolsyn onshaqty!
 
Aspandaryń ashyq bolsyn
Dushpandaryń qashyq bolsyn
Búgin qosylǵan eki jas
Bir-birine máńgi-baqı ǵashyq bolsyn!
Áýmın

Kesirdiń sózi joldaryńdy kesip ketpesin.
Tirnektep jıǵan yrys pen dáýlet, baılyǵyń,
Úıińe qut bop, dushpanyń laılap tókpesin.
 
Peıilderiń eshqashan tarylmasyn,
Bastaryńnan baq-dáýlet arylmasyn.
Kóretin qyzyqtaryń kóp bolyp,
Toılaryń toıǵa ulassyn! 
Áýmın!

*** *** *** ***

Qudaıym, jastarǵa uzaq ǵumyrly jas bersin!
Jas otaýǵa yrys-bereke, baq bersin!
Beldeýde baılaýly maly bolsyn,
Oshaqta qaınaýly qazany bolsyn!
Esigi ashyq bolsyn, Qabaǵy jazyq bolsyn!
Dos-jarany súıinsin. Dushpany ishteı kúıinsin, Otaýǵa baqyt quıylsyn!
Aspanda Aısa, Jerde Mádı, Qyrda Qydyr, Sýda Súleımen qoldasyn!
Al qaryndasym, ózińe aıtarym:
Bul kelisiń máńgi bolsyn, keńisin, Eki araǵa tartqan arqan jelisiń. Osy jerden tamyr tartyp tereńge, Osy jerden ósip-ónsin jemisiń.

*** *** *** ***

Dúnıede kem bolmaıdy bataly qul,
Shashaıyn batamenen jemisti gúl.
Qosylǵan teńin taýyp eki jastyń,
Áýeli jasyn uzaq baqytty qyl.
Qaptaǵan qara ormandaı shoǵyrly qyl,
Ár iske asyqpaıtyn sabyrly qyl.
Aldynda úlkenderdiń abyroıly,
Ózinen keıingige qadirli qyl.
Sóılese aıtqan sózin júıeli qyl,
Qaldyrmaı qatarynan kıeli qyl.
Tileýin eki jastyń qabyl etip,
At minip júgin artar túıeli qyl.
Áýmın....

---