InfoHub Logo

Oń bolsyn, balam, saparyń,
Molyqsyn dámiń, tataryń,
Týǵan eliń tapsyrǵan,
Paryzyn óte Otannyń.
Baryp kelip jatyr ǵoı,
Ózińdeı jastar – qataryń.
Halyqtyń súıgen tiregi,
Som temirdeı bilekti,
Arystandaı júrekti,
Anańnyń sútin aqtaı bil,
Bere gór dep tilekti!
Áýmın

*** *** *** ***

Jolyńdy Alla qoldasyn,
Jamanshylyq bolmasyn.
Serti men sózde turatyn,
Senimdi bolsyn joldasyń.
Jolyńdy kesem degender
Eshqashanda ońbasyn.
Sátti bolyp isteriń,
Jaqsy bolyp tústeriń,
Jortyp bir jortyp jetkende,
Jomart bolyp tósegiń.
Juǵymdy bolsyn ishkeniń,
Kórmegen jerdi kórip qaıt.
Qaırylyp sálem berip qaıt.
Yrzyǵyń syrtta shashylsa,
Ony da túgel terip qaıt.
Aıdaryńnan jel esip.
Jelip baryp, jelip qaıt.
Baq qosylyp basyńa,
Daq túspeı ar men aǵyńa,
Saý-salamat ózińmen,
Kezdeseıik taǵy da.
Áýmın

*** *** *** ***

---