InfoHub Logo

Kóńil qulazyǵan sátte aınalamyzdy qara túnek qaptaǵandaı kúı keshemiz. Arman-maqsattarymyzdyń kúıregenin sezinetinimiz haq. Eger kúndelikti janyńyzǵa jylý syılaıtyn sózderdi aıtýdy jıiletseńiz, óz jolyńyzdy aıqyndaı alasyz.

1. Men baqyttymyn!

Baqyt - tek qana baılyq emes, baqyt-jaqsylyqqa kenelý, boıyńyzdy qundylyqtarmen tolyqtyrý.

2. Men ár kúnime shúkirshilik aıtamyn jáne Jaratýshynyń qudiretin uǵyna alamyn.

Qıyndyqpen kúresýge jigerińiz jetpeı me? 

Aýyrtpalyqqa qarsy tura almaısyz ba?

Kúlli ǵalamdy alty-aq kúnde jaratqan Allahtan pana surańyz! 

Kóńilińiz tasyp, erekshe sezim keshirer bolsańyz, shúkir etińiz. Jaratýshynyń :"Shúkir etseńder-arttyra beremin" degen sózin esten shyǵarmańyz.

3. "Meniń qolymnan bári keledi"

Bul sóz shynynda da bıikke bastaıdy, taǵdyr synaqtarymen kúresýińizge kómegin beredi. Eger siz shyn júregińizben maqsatyńyzdyń júzege asýyna senbeıtin bolsańyz, eńbegińiz dalada qalady. Oıyńyz ben kózqarasyńyzdy ózgertýge tyrysyńyz.

4. "Meni órden ıterý múmkin emes!"

Qazaq halqynda "Áreket túbi-bereket" degen ǵıbratty naqyl bar. Armanyńyzdy ómirińizdiń bir bólshegine aınaldyryńyz. Meıli, ózgeler túrli tosqaýyldar qoıyp, jolyńyzdy bógese de-armanyńyzdan taımańyz. Negatıv oılaýshylar-halyq arasyna sińgen jegi qurt sekildi. Olardyń jaǵymsyz áreketterine kóńil aýdarmańyz.

5. "Men áreket etemin. Synaqtardy jeńemin"

Ómirimizdegi eń basty pozısıa osy! Synaqtar- jáı ǵana shyńǵa shyǵýdaǵy kedergi. Oılanyp kórińizshi, synaqtarsyz-ǵumyrymyzǵa tájirıbe jınaqtap, qıyndyqqa tap bolǵanda ózimizdi qaıraı almaımyz.

Siz óz ómirińizdiń quraýshysysyz! Sol sebepti ár kúnińizdi ásemdeńiz.

Arýjan Samıdın

---