Maǵjan depti bizdiń Bákeń balasyn,
Qarashyǵym, búldirgen bóbek, adasym!
Suraısyń ǵoı: «Qaıdan keldiń, aǵa?- dep,
Endi qaıda jol tartyp sen barasyń?»
Bul sózińe men aıtamyn, qaraǵym:
Oıdan shyqtym, oıǵa taǵy baramyn.
Kópten ózin ustamap em qolyma,
Totyqqandaı boldy mynaý qalamym.
Oqasy joq, totyqsa, endi ashylar,
Qalamymnan taǵy sózim shashylar.
Sen, bóbegim, erjetersiń, ósersiń,
Tolqyndar da tolqyp-tolqyp basylar.
Men týǵanda aqyn aǵam keldi de,
Kelip, maǵan aq batasyn berdi de.
Ós, bóbegim, jas balaýsa quraqtaı,
Ómir - kerýen, bir sát toqtap kórdi me?!

---