InfoHub Logo

Onymen kezdeskenimizde azan aıtylyp jatqan edi.

— Kettik meshitke baraıyq,- dedim.

— Meshitke barmaıtynymdy bile tura meni ashýlandyrý úshin aıtyp tursyń ba?

— Bilemin, biraq barmaýyńnyń sebebin bilgim kelip tur.

— Áıteýir barǵym kelmeıdi. Jasyl túske alergıam bar. Mysaly, myna ústińdegi kıimiń jasyl emes, basqa tústegi kıim bolǵanda saǵan jarasar edi. Óziń de bilesiń ǵoı, ádemi kıinýge óte qumarmyn. Eger namaz oqıtyn bolsam shalbarymnyń qyry buzylady.

Sózderi bosteki edi. Bir jaǵynan kúlip te jiberdim. Shynymen de, únemi kıimderin útiktep, qyzyl galstýk taǵyp júretin.

— Meıli, ómirińde bir ret bolsa da meshitke barǵansyń ba?

— Bala kezimde atam birneshe ret aıt namazyna aparǵan. Endi qaıta baramyn dep oılamaımyn.

Aıtqan sózderin estip, abdyrap sasyp qaldym. Bul taqyrypty qozǵaǵanyma ózim de ókinip qaldym. Dereý onymen qoshtasyp, meshitke qaraı bettedim.

Keıinirek sóıleskenimizden kóp uzamaı onyń meshitte ekenin estidim. Tań qaldym. «Demek aıtqan sózderim oǵan jaqsy áser etken eken» — dep oıladym. Kimnen surasam da «Meshitte» — dep aıtady.

Tań qalyp, meshitke qaraı asyqtym. Barǵanymda eń aldyńǵy qatarda eken. Ústinde jasyl tús. Aqyryn qasyna jaqyndap, tómen daýyspen suradym:

— Qane, meshitke kelmeımin degen ediń?...

Esh daýysyn shyǵarmaıdy. Óıtkeni jasyl matamen jabylǵan bir tabyttyń ishinde edi.

---