InfoHub Logo

Jasóspirimdilerdiń aýtodestýrkıvtik minez-qulqynyń aldyn-alý jumysy
Trenıń
Taqyryby: «Mahabbat-ómir ózegi» (9, 10, 11 synyp)

Maqsaty:
- oqýshylarǵa mahabbat, súıispenshilik uǵymdarynyń qundylyq retindegi mánin ashý;
- jasóspirimderdiń ózin - ózi baǵalaı bilýge jáne óz is - áreketin túsine bilýge jaǵdaı týdyrý;
- oqýshylardyń ózin - ózi anyqtap, ashyla túsýin daǵdylandyrý.
Ádisteri:
• Taqyryp boıynsha dáris berý (tanystyrylym)
• Psıhodıagnostıkalyq tekserý.
• Áleýmettik - psıhologıalyq trenıń: taqyryp boıynsha talqylaý, áńgimelesý, oıyn elementteri.
Berilgen ýaqyt - 45 mı¬nýt
Kerekti qural - jabdyqtar:
Proektor, ekran, taratpa materıaldar, test materıaldary.
Jumys barysy:
Psıhologıalyq ahýal qalyptastyrý. Sálemdesý.
Jattyǵý. «Meniń eki janym» Júrgizýshi oń qolyn beline qoıyp, men synyp jetekshimdi jaqsy kóremin, sol qoıyn beline qoıyp, men ótirik aıtqandy jek kóremin. Osylaısha sheńber qurastyrylady.
Juptarǵa bólý. Eki oqýshy tańdaýy arqyly myna jazylǵan taqyryptar boıynsha bólinip otyrady. (aqyldylar, sulýlar, symbattylar, myqtylar, arýlar, namysshyldar, senimdiler, qymbattylar, jeńimpazdar, oıynpazdar, oqymystylar)

Negizgi bólim.
Tanystyrylymdy kórsetý. (taqyryp boıynsha qysqasha málimet berý)
Praktıkalyq bólim
R. Rojdestvenskııdiń «Mahabbat shýaǵy» atty óleńin oqý.
Báriniń bastaýy - mahabbat!
Janyńda nur sepken shapaǵat.
Eńbektiń raqatyn sezdirgen,
Gúlderge qulpyrtyp túr bergen.
Sábıdiń shyraǵyn jandyrǵan,
Bulaǵy – meıirin qandyrǵan.
Shýaǵy jylytqan júrekti,
Jańǵyrtyp aıtamyn qaıtalap,
Báriniń bastaýy – Mahabbat!

Báriniń bastaýy – Mahabbat!
Mahabbat! Men ony aınytpaı bilemin.
Bári de, al tipti jek kórý tilegin –
Ózińmen bir týǵan qandastaı,
Mahabbat nuryna bóledi júregiń.

Kóktem kep: «Ómir súr...» degende,
Terbeldiń Mahabbat - kemeńde.
Kerildiń kók tirep ıyǵyń.
Mahabbat nurynan bastaý ap jóneldiń.
Báriniń bastaýy – Mahabbat!

Oı ashar. «Klaster» ádisin qoldaný arqyly «Mahabbat» sóziniń maǵynasyn ashý. Pikirlesý. Oqýshylardyń oıymen sanasý. Ár oqýshynyń sóıleýine múmkindik týǵyzý.
Ózimizdi baǵalaý úshin jáne óz ómirimizdi baǵalaý úshin mahabbat qalaýyn seziný kerek. Egerde, adamdar ózin jaqsy kórse, bireýdi jaqsy kóre alsa jáne óziniń bir bólshek ekenin sezinse kez - kelgen máseleler ońaı sheshimin taýyp otyrady.

Saýalnama:
1. Sen kimge qarap úlgi alasyń?
2. Kimmen ashyq sóılese alasyń?
3. Qıyn sátterde kimmen bólisesiń?
Saýalnamaǵa jazbasha jaýap bergennen keıin aýyzsha áńgimelesý ótkizý.

Jattyǵý: «Qaqpan jáne jabyq sheńber»
Maqsaty: adamnyń kez - kelgen ýaqytta máseleniń sheshimin taba bilýge úıretý.
Barysy: Eki sheńber qurylady. Ortada turǵan sheńber - adamdar, al syrtqy sheńber - qaqpan bolyp esepteledi. Ortadaǵy adamdardyń maqsaty túrli ádisterdi qoldanyp, syrtqa shyǵý. Syrtqy sheńberdiń maqsaty, qanshalyqty adamdardyń tyrysqanyna baılanysty bosatý.
Oıynnan keıin qatysýshylardyń sezimderin tyńdaý, talqylaýǵa salý.

Qorytyndy: Adamdar bir máseleni túrli ádistermen sheshedi, bireýlerine ońaı kelse, keıbirine qıyndyqqa ákeledi. Sondyqtan jabyq sheńberde qalyp kete barady. Sol sebepten qandaı da qıyndyqty jeńe bilýge tyrysý kerek.

Jattyǵý: «Ómir týraly metafora»
Maqsaty: adamdardyń kópshiliktiń oıymen emes, óziniń júrek qaǵysymen, óziniń qalaýymen júrýge daǵdylandyrý.
Barysy: Men, qolyma ádemi músindi ustap turamyn. Ony maqtap kórsetemin, oǵan minezdemeni barlyǵy beredi. Onyń qasıetterin, jasalý joldaryn aıtamyz. Barlyq jaqsy jaǵyn atap bolǵan kezde, men qaıtadan munyń jaman qyrynan asha bastaımyn. Sol ýaqytta músindi baıqatpaı jerge qulatyp jiberemin. Ol synady, basqalar bári muńaıady, oılarymen bólisedi.

Qorytyndy: Adamnyń ómiri myna bir ádemi músin sıaqty emes, ony qaıtadan jınaýǵa kelmeıdi, sol sebepten ómir degen tamasha, tek qana ony kórip, sezý kerek ekenin umytpaý qajet.

Jattyǵý: «Mahabbat aǵashy»
Ár oqýshy ózine unaıtyn adamnyń unamdy jaqtaryn jazyp, ony ne úshin jaqsy kóretinin bildirip, aǵashtyń butalaryna iledi.

Refleksıa: Myrzageldi Kemeldiń myna bir naqyl sózimen búgingi kezdesýdi aıaqtaımyn.
«Ómir súrý formýlasy: jeńis pen jeńilis - kezek. Sátsizdik, jaısyzdyq, tipti baqytsyzdyq ta kezdesip qalýy múmkin. Olardyń bárin de kóńilge aýyr almaǵan maqul. Ony tek tájirıbe dep qabyldap, adam ózine baılanysty jaǵyn qaıtalamaýǵa tyryssa – jetilýge umtylǵany.
Máseleni «Ómir súrýge zıanyńdy tıgizbe» dep qoıǵan durys. Ol: ruqsat, ómir súr, izden, qımylda, oılan degeni.
Keri baılanys ornatý. Oqýshylardyń búgingi taqyryp boıynsha oı - pikirlerin bilý.
Baǵalaý: «Termometr» ádisin qoldaný.