InfoHub Logo

Almatydaǵy jekemenshik "Lets School" mektebiniń dırektory aldaý áreketi úshin 6 jylǵa bas bostandyǵynan aıyryldy. Bul mekteptiń jabylýy saldarynan 200-den astam bala bilimsiz qalǵan bolatyn.

Bul týraly Infohub.kz aqparat agenttigi habarlaıdy.

Mekteptiń ýádeleri men shyndyǵy

2024 jyldyń qyrkúıek aıynda ashylǵan "Lets School" mektebi ata-analardy belsendi jarnamasymen baýrap alǵan edi. Mektepte qosymsha úıirmeler, shet tilderin oqytý jáne balalardyń kúni boıy bilim alatyn tolyq pansıon qarastyrylǵan bolatyn. Jyldyq oqý aqysy 700 myńnan 1 mıllıon teńgege deıin jetti. Kóptegen ata-analar aqshany birden tólep úlgergen.

Alaıda, 2025 jyldyń qańtar aıynda jaǵdaı shıelenise bastady. Ata-analardyń aıtýynsha, sabaqtar tolyq kólemde ótkizilmeı, muǵalimderdiń bir bóligi jumystan shyǵyp ketken. Mektep ákimshiligi bolsa, naqty jaýap bere almady.

Lısenzıasyz jumys jáne sot úkimi

Keıinnen mekteptiń lısenzıasyz jumys istegeni anyqtaldy. Mektep basshylyǵy aqshany qaıtaryp beremiz dep ýáde bergenimen, ata-analar óz qarajattaryn ala almady. Mektep jabylǵan soń, 200-den astam bala bilim alý múmkindiginen aıyrylyp, otbasylar shuǵyl túrde basqa mektepter izdeýge májbúr boldy.

Tergeý shamamen bir jylǵa sozyldy. QR Qylmystyq kodeksiniń 190-baby, 4-bóligi, 2-tarmaǵy (osoby krýpnyı razmerde jasalǵan alaıaqtyq) boıynsha sottalǵan mektep dırektoryna 6 jyl bas bostandyǵynan aıyrý jazasy kesildi. Ata-analarǵa keltirilgen shyǵyn áli kúnge deıin ótelmegen.