Photo: Francesco Ungaro (https://www.pexels.com/@francesco-ungaro) / Pexels
Qazaqstan aspanyndaǵy jumbaq ushaq: kimdiki ekeni belgili boldy
Qazaqstannyń ústinen ushyp ótken jumbaq áýe kemesiniń kimge tıesili ekeni belgili boldy. Bul týraly Ulysmedia.kz habarlaıdy.
Buǵan deıin reseılik BAQ pen Telegram-arnalar AQSH-tan ushyp shyqqan «anyqtalmaǵan» ushaq týraly jarysa jazǵan bolatyn. Keıbir basylymdar ony AQSH Áýe kúshterine tıesili ushaq dep boljap, tipti bortta «erekshe» áskerı júk bolýy múmkin degen de saraptamalar jasaǵan edi.
Alaıda, gazeta.uz málimetinshe, bul ushaq Ózbekstan prezıdentiniń jeke ushaǵy bolyp shyqty. Ol Beıbitshilik keńesiniń samıtinen elge qaıtyp bara jatqan.
Ushaqtyń baǵyty
Málimetterge súıensek, atalǵan ushaq Vashıngton mańyndaǵy «Endrús» áýe bazasynan jergilikti ýaqytpen 14:12-de kóterilip, Kanada, Grenlandıa, Eýropa, Reseı aýmaqtaryn basyp ótip, Qazaqstannyń áýe keńistigine kirgen. Sodan keıin Tashkentke aman-esen jetken.
Eske sala keteıik, buǵan deıin TASS reseılikterdiń «belgisiz» AQSH ushaǵy týraly habarlaǵany jaıly jazǵan bolatyn.
-
Almatydaǵy "Lets School" jeke mektebiniń dırektory 200-den astam oqýshyny aldap, aqshasyn qaıtarmaǵany úshin sottaldy.
-
An unidentified aircraft flying over Kazakhstan, initially speculated to be a US military plane, has been confirmed as belonging to the President of Uzbekistan.
