InfoHub Logo

Rashıd Janǵozınge
Qos qoly birdeı jaraly
Dármeni qaısy Rashıdtiń?
Ashylyp jaýdyń arany,
Keıibine kirdi ash ıttiń.
 
Oq bolyp jandy oǵat ot,
Shyǵatyn odan jol qaıda?!
Partbıletin qolyna ap,
Qatty qaldy sol boıda.
 
Asha almaı qoıdy nemister
Batyrdyń qolyn qan qylyp.
Osyndaı ǵajap er ister
Jasaı berer máńgilik.
 
«Ala almaısyń, - dedi batyr,
Dushpanyna, - erkimdi.
Keń jerimdi týǵan órt salyp,
Buza almaısyń kórkimdi!»
Jolyn bógep dushpannyń
Qurbany boldy qaıran er,
Er bop týǵan adal balasyń,
Qoınyna aldy týǵan jer.

* * * * *

Maıdannan hat
Asan Júsipov

Japanda júrgen sandýǵash,
Báısheshekteı bizdiń jas.
Ata-ana eske túskende,
Sharap ishpeı boldym mas.

Oılanbaı júrý jaramas,
Sekildenip aýyr tas.
Qandaı kúıde júr eken,
Ata-ana men qaryndas.

Betimen keýil jaıylmas,
Aǵaılarmen habarlas.
Baıjuman, Esqan, Ospanǵa,
Hat salmaı turý jaramas.

Qysqa sóz bolar tatymdy,
Bilesiń meniń atymdy.
Kózimdeı kórip oqyńdar,
Osynaý jazǵan hatymdy.

Saǵyndym sizdi anasy,
Men kózińniń qarasy.
Anany qalaı umytar,
Sanaly adam balasy.

Jazsam oıym taýsylmas,
Ár nársege boldym mas.
Kúlámza eske túskende,
Tyıylmaı keter kózden jas.

Saǵyndyń ba baýyrym,
Maıdandaǵy aǵańdy.
Kelesi jyly bararmyn,
Keltirse Alla shamamdy.

* * * * *

Maıdangerler
Mahmutbaı Ámireuly
Qyzylorda
 
Qan maıdannyń júrekte jarasy bar,
Qaıǵysy men zili bar, nalasy bar.
Aramyzda júretin alshań basyp,
Ardagerler azaıyp barasyńdar.
 
Qasterleıdi halqymyz qaharmanyn,
Júr esinde san jaryq, saparlaryń.
Qaıran erler, qaharman ardagerler,
Qaldy-aý sırep bul kúnde qatarlaryń.
 
Erlik súıgen elińe saltyń unar,
Júzderińde janǵan ot jarqyly bar.
«Soǵys» degen salmaǵyn jalǵyz sózdiń,
Búgingi urpaq ózderiń arqyly uǵar.
 
Jasqanbaǵan jaýynan jaraqty er,
Erligińdi ańyz ǵyp taratty el.
Qaharmandyq degendi keıingi urpaq,
Júzderińe senderdiń qarap biler.
 
Darqan minez, darıa oı, dara shyńdar,
Jarqyn júzdi, júregi aq, jany asyldar.
Aramyzda júretin alshań basyp,
Maıdangerler azaıyp barasyńdar.

* * * * *

Jambyldyń batasy

Júz jasaǵan júrekten
Ýa, qaraǵym balalar!
Er bol demeı, ne deıin.
Ereýildi maıdanda
Ústem bolsyn mereıiń.
Jaýdy qyryp, aıdaýǵa,
Talmaı kómek bereıin.
Dúbir qosyp aıǵaıǵa,
Qyzyl tildi jebeıin.
Senderge óleń aıtqanǵa,
Esh sharshadym demeıin.
Qan maıdan bop jatqanda,
Qarlyǵar ma kómeıim!
Júz jasaǵan júrekten
Jyrlarymdy tógeıin.
Kóktemeniń kúnindeı
Jaýdy jeńip, kúlimdep.
Kúlgenińdi kóreıin.
«Qaharmanym! Kúnim!» dep
Betterińnen óbeıin.

* * * * *

Jan áke, Asyl áke, Ardaqty áke,
Tiri bolsań júrer ediń 85-te.
Qan maıdanda, qan keship kútken kúnniń
Kele jatyr 65 jyldyq merekeń de.

Sum soǵystan aman kep, marqum áke,
Ajal seni áketti-aý jaıly ómirde.
Bul qyzyqty kóretin elmen birge
Taǵdyr shirkin ózińe kópsindi me.

Z0-jyl ótti, mine, sodan beri
Eske alamyz ózińdi Jeńis kúni.
Sol jeńistiń kórsetken bul jemisi
Urpaǵyńnyń esinde qalar máńgi.

---