InfoHub Logo

Sabaqtyń taqyryby: Jetigen aspaby
Sabaqtyń maqsaty: Jetigen aspaby, onyń shyǵýy, dybysy týraly. Ulttyq aspapty qadirleýge, adamgershilik qasıetterge tárbıeleý.
Sabaqtyń mindeti: Ándi kóńildi sıpatta oryndaýǵa úıretý. Kórkemdik talǵam men shyǵarmashylyq izdenis daǵdylaryn damytý. Halyq mýzykasy - men sýsyndatý.
Ótken zamandaǵy jáne búgingi tańdaǵy halyq ómiriniń baılanysyn túsindirý.

Sabaqtyń barysy.
1. Uıymdastyrý. A) sálemdesý á) túgeldeý
İ. Úı tapsyrmasyn suraý.
1. Slaıd arqyly sýretter kórsetip, tanys aspaptardyń attaryn, qalaı oınalatynyn jáne qandaı túrine jatatynyna túsinik berý.
Suraqtar:
a) Aspap qalaı neden jasalynǵan?
b) Aspap qalaı oınalady qandaı dybystar shyǵady?
v) Bul aspapty ertede adamdar qaıda qoldanǵan?
Urasyń ony, soǵasyń.
Jınalyp munda qalasyń.
Estiledi jańǵyra -
Dabyl qaqqan........(dańǵyra)
Dańǵyra urmaly (uryp oınaıdy).
Kezdesedi bul aspap neken - saıaq,
Syńǵyrlaǵan qońyraýy ózine saı - aq.
Baqsylardyń qolynda júrdiń talaı,
Qazaǵymnyń aspaby -........(Asataıaq).
Asataıaq silkimeli (silkip oınaıdy).
Eki ishekke bir tıekti qondyra.
Oınaımyz biz qolymyzdy taldyra.
Bilseń eger aıta qoıshy, balaqaı?!
Bul qaı aspap? Bul - kádimgi........(dombyra).
Dombyra - ishekti (shertip, qaǵyp oınaıdy).

2. Dombyra, asataıaq aspaptarynyń súıemeldeýimen oqýshylar halyq áni «Erkem - aıdy» oryndaıdy: Ázıdolla – múıizde, Ǵalymjan – asataıaqta, Qýanysh – dombyrada.

3. Oı qozǵaý. «Asyq ıirý» oıyny.
Asyq – qazaq balalarynyń erteden kele jatqan oıyny. búgingi sabaǵymyz osy asyqtarǵa baılanysty shyqqan kóne ulttyq mýzykalyq aspap týraly bolmaq.
- Asyqtyń sany nesheý? Asyqtyń sýreti kórsetiledi
- Jeteý.
Nota saýattylyǵynyń qupıasy. 7sanymen baılanysty sózdi tańdaý. (Jeti ata, jeti kún, jeti qazyna t. b.)
- Olaı bolsa, ol qandaı dep oılaısyń?
- Árıne, jetigen. (ınteraktıvti taqtadan sýretti kórsetý).
(Dápterlerine kúnniń jadyn, taqyrypty jazý «Jetigen aspaby»)

İİ. Jańa sabaq.
1. Jetigen aspabynyń shyǵýy týraly ańyz (ınteraktıvti taqtadan sýretin kórsetý).
Óte ertede, jaýgershilik zamanda kempir men shal ómir súripti. Olardyń jeti uly bolypty. Uldary kishkentaı kezinde asyq oınaǵandy jaqsy kóripti. Kúnderdiń kúninde jeti uly el qorǵaıtyn úlken azamat, batyr bolyp ósedi. Ákesi uldarynyń oınaǵan asyqtaryn saqtap qoıypty. Bir kúni sol aýylda jut bolady. Adamdar ashyǵyp, maldar ólip, qıynshylyq zaman bolady. Sonda shaldyń jeti uly maldaryn aman alyp qalý úshin sýy, shóbi mol jer izdep ketedi. Sol ketkennen oralmaı mol ketedi. Shal men kempir uldaryn saǵynyp qaıǵyrady. Sodan shal aǵashtan oıyp bir aspap jasaıdy. Oǵan jeti ulyna arnap jeti ishek taǵady. Odan dybys shyǵý úshin uldarynyń oınaǵan asyqtaryn taǵady. Sóıtip, uldaryna arnap kúı tartady. Ol kúı el arasyna tez tarap ketedi. Halyq ony «Jetigenniń jeteýi» dep atapty. Al aspapqa «Jetigen» dep at qoıypty. Sodan beri bul aspapta shaldyń jeti ulynyń asyqtary qalǵan eken desedi».
Ańyz ne týraly aıtylǵan? Shal qandaı aspap jasaıdy, qalaı jasaıdy?