InfoHub Logo

Jetisý oblysyndaǵy «Altyn-Emel» memlekettik ulttyq tabıǵı parkinde jabaıy janýarlardyń sany jyldan-jylǵa artyp keledi. Park qyzmetkerleriniń sońǵy esebi boıynsha, mundaǵy qulandardyń sany 3,5 myńnan assa, jaırandardyń sany 6 myńnan asyp jyǵyldy.

Bul týraly Infohub.kz aqparat agenttigi habarlaıdy.

Ulttyq park aýmaǵynda janýarlardy sanaý jumystary jyl saıyn júrgiziledi. Ol úshin 14 arnaıy avtokólik jáne atty marshrýttar belgilengen. Sonymen qatar, fototuzaqtar arqyly sırek kezdesetin taýeshkiler men arqarlardyń popýlásıasy da baqylaýda ustalady. GPS-navıgatorlardyń kómegimen qar barysynyń mekendeıtin aımaqtary da nazarda bolady. Alty jyl buryn alǵash ret fototuzaqqa túsken bul sırek jyrtqyshtyń sany qazir park aýmaǵynda 20-ǵa jetti.

Janýarlar sanynyń ósý sebepteri

«Altyn-Emel» memlekettik ulttyq tabıǵı parkiniń dırektory Qýat Baıtýrbaevtyń aıtýynsha, jabaıy janýarlardy sanaýdyń negizgi maqsaty – olardyń jyldyq ósimin anyqtap, qorektik bazanyń áleýetin baǵalaý bolyp tabylady. Parktiń aýmaǵy 307,5 myń gektardan asady, sondaı-aq 240 000 gektarlyq Ústińgi Kóksý qoryǵy da olarǵa bekitilgen. Qolaıly mekendeý jaǵdaılarynyń arqasynda barlyq janýarlar popýlásıasynyń turaqty ósimi baıqalady.