InfoHub Logo

Taqyryby: «Jigit sultany» saıysy.
Maqsaty: a) er balalardy ata babamyzdyń salt - dástúrimen tanystyrý;
Á) balalardy elin, jerin, tilin óz dástúrin bilýge tárbıeleý;
B) ulttyq ónerge, án kúıge, bıge qumar etip tárbıeleý;
V) parasattylyqqa, ımandylyqqa, meıirimdilikke baýlý;
G) densaýlyǵy zor, symbatty, elin, jerin qorǵaıtyn bilimdi de bilekti naǵyz Qazaqstan patrıotyn tárbıeleý.
Kórnekilik: sharlar, plakat
Ótkizý orny: akt zaly.
Qatysýshylar: 5 – 8 synyp oqýshylary.

Saıystyń barysy.
1 - júrgizýshi:
Armysyzdar aǵaıyn, qurby - qurdas!
Barmysyzdar, jan kúıer áz - qaýymdas!
Búgingi kesh saıysty biz bastaıyq
Saıysta kóńilmenen qol soǵalyq.
Bizderde oıyn - saýyq bastalady.
Tamasha kúı tartylyp án salady.
Qoshemettep qol soǵyp otyralyq
Umytarsyz kúni boıǵy sharshaǵandy.
2 - júrgizýshi:
Baǵyna baqytty eldiń týǵan ulan,
Boıyna bar asyldy jıǵan ulan.
Qazaqtyń qasıetti jigitteri.
Janyna nur daryǵan, jyr daryǵan.
Darıa oı, danalardan bata alǵandar.
Aınymas almas qylysh atanǵandar.
Qazaqtyń qasıetti jigitteri
Halqyna qalqan bolǵan qaharmandar – dep, Mahmutbaı Ámiruly aǵamyz jyrlaǵandaı halqymyzdyń ádet - ǵurpynda otbasyna ul balanyń kelýi «Ul týǵanǵa kún týǵan» - dep erekshe ony baqyt sanaǵan. Onyń sebebi qazaqta otbasynyń jalǵasy, shańyraqtyń ıesi ul bala bolyp eseptelgen. Halqymyz ul bala tárbıesine erekshe kóńil bólgen. Er balany adamgershilikke, batyldyqqa, eptilikke, ımandylyqqa baýlyǵan.
1 - júrgizýshi:
«Ulǵa otyz úıden tyıym, on san úıden syn» - demekshi er jigitke aıtylar syn kóp, qoıylar talap ta joǵary bolǵan. Búgingi HHİ ǵasyr bilim men ǵylym damyǵan zamanda jigitterimizdiń úlken beles asýlardan kórinýi elge ákelgen baqytpen teń. Olaı bolsa jigitterimizdiń ónerlerin, eptiligin, bilimderin, aqyldyǵyn tamashalaıyq.
2 - júrgizýshi:
Ýa, halaıyq, halaıyq!
Munda nazar salaıyq.
Ata - jolyn jalǵaıyq
El dástúrin qoldaıyq
Uldar shyqsyn ortaǵa.
Búgingi saıysta sultan attanbaq!
1 - júrgizýshi.
Sóz taýyp kún qylatyn kóńil kúıdi,
Mektepte ónerimen bolǵan syıly.
6-shy synyptyń er jigiti
Shaqyraıyq ortamyzǵa
Dıas uldy.
2 - júrgizýshi.
Qyzyq bolsyn kórgeniń
Jana bersin eńbegin.
Mándi bolsyn ómirin
Shalqı bersin kóńilin! dep kelesi jigit 5 – shi synyp oqýshysy Karım Aýlıehan.
1 - júrgizýshi.
Sportpenen bilim jaǵyn bir qosqan.
Kem qalmaǵan talantpenen tabysqan.
Qarańyzdar Aıdos jigit ortada tur
Taýdy ozar shyn kirisse namystan.
2 - júrgizýshi.
Ómir seni ne qıynǵa salsa da.
Súıkimdi bol
Ata – anańa barshaǵa
Elimizdiń qurmetti uly bol
Jasyń júzge jetkenshe sharshama – ortaǵa Nýralın Asqatty shaqyramyz.
1 - júrgizýshi.
Biledi ol jaqsy menen jamandy.
Ónermenen tamsandyrǵan adamdy
Qoshemetpen shaqyraıyq ortaǵa.
Ádilhan atty jigit bolǵan sarbazdy.
2 - júrgizýshi.
Endi saıystyń baǵdarlamasymen tanystyryp óteıik:
● «Tanystyrsam ózimdi» - tanystyrý.
● «Báıge».
● «Sheberdiń qoly ortaq»
● «Segiz qyrly, bir syrly»
● «Jınap kór»
● «Bı jarys»
● «Bata berý»
1 - júrgizýshi.
Toı bastaldy, toı bastaldy.
Qolǵa syrnaı alaıyq.
Kel shyrqaıyq «Toıbastardy».
Qoshtap ketsin halaıyq! dep kezekti «Kelinshek kúı» án shashýymen ortaǵa 6 - synyp oqýshysy Ýlbaeva Arýjandy shaqyramyz.
2 - júrgizýshi.
Ádilqazy, aqqazyǵa bir sálem!
Ádildikke bas ıedi kúlli álem.
Júıirik ozar saıystarda neshe bir,
Sarapqa sap ádildikpen sheshe bil!- dep endi osy jigitterdiń ónerin baǵalaıtyn ádilqazy múshelerimen tanystyraıyq:

1 - júrgizýshi. 1 - saıys «Tanystyrsam ózimdi».
Eı, takáppar dúnıe,
Maǵan da bir qarashy
Tanımysyń sen meni
Men qazaqtyń balasy – dep aqyn aǵalarymyz jyrlaǵandaı saıysymyzdyń birinshi kezeńi «Tanystyrsam ózimdi». Sonymen birinshi jigitti shaqyramyz.
2 - júrgizýshi:
Dúnıede qymbat qoı áke degen
Balasyn aıalaǵan, mápelegen.
Men búgin ákege arnap án salamyn – «Áke týraly oı» ánimen ortaǵa 6 - synyp oqýshysy Makatova Aıjandy shaqyramyz.