InfoHub Logo

Kúz merekesine arnalǵan ortańǵy «Aqqý» tobynda ótkizilgen «Kúz hanshaıymy – 2013» erteńgiliginiń baǵdarlamasy.

Júrgizýshi: Qurmetti ata - analar, balabaqsha apaılary, qonaqtar!
«Aqqý» toby búldirshinderiniń qatysýymen ótetin
«Kúz hanshaıymy - 2013» baıqaýyn usynamyz.
Ata - ananyń aıaly alaqanyndaǵy balalyq shaq, balabaqshadaǵy bal dáýren balanyń eń bir baqytty, alańsyz kezi. Biz balabaqshamyzdaǵy tárbıelenýshi uldarmen birge qyzdarymyzdyń da aqyldy da, parasatty, tárbıeli de ınabatty arý qyz bolyp óskenin qalaımyz. Sondyqtan búgin balaýsa qyzdarymyzdyń balabaqshada qandaı tárbıe alyp júrgenin kórip, bárimiz kýá bolaıyq.
Ádilqazy beredi,
Ózderińe bılikti.
Ónerde kim jeńedi,
Alady sol syılyqty,- dep eń aldymen sizderdi ádil - qazylar alqasymen tanystyryp óteıik:
1.
2.
3.
4.
Júrgizýshi: Ýa, halaıyq, halaıyq,
Bárimiz nazar salaıyq.
Merekesi baqshanyń,
Saıysyn biz bastaıyq.
(Ortaǵa búgingi saıysqa qatysýshy arýlardy shaqyramyn)

Júrgizýshi: Myń buralǵan arýlar ańdap basyp,
Keldi mine ortaǵa tolqyp - tasyp.
Arýlaryn syılaǵan halqym meniń,
Kóńildi qoshametpen qarsy alaıyq.
Saıysqa qatysýshy arýlardy rettik belgileri boıynsha tanystyrý, oryndaryna otyrǵyzý.
Saıysty bastamas buryn, saıystyń sharttarymen tanystyryp óteıin:
Saıys sharttary:
1. Meniń ata - tegim. (Ózin - ózi tanystyrý.)
2. Dárýmender densaýlyq saqtaýshysy.(Kúzgi baılyqtardan jarnama)
3. «Ónerli órge júzer» (Óz ónerlerin kórsetý)
4. Kim oıǵa júırik (Jumbaq sheshý)
5. « Sheber qoldar»(Ata - analarmen birlesip jasaǵan qol óner jumystary)
6. «Ásem bizdiń arýlar» (Sán úlgisin kórsetý)

İ. «Meniń ata - tegim» Ózin - ózi tanystyrý (rettik sanymen arýlardy shaqyrý)
Nazym: Bir úıdiń kishkentaı qyzyǵymyn
Lala gúldiń úlbiregen úzigimin
Serik atty ákemniń qarashyǵy
Nazym degen susty sulý qyzymyn
Dóńgelenip bıleımin
Shyrqap ánde salamyn
Anam menen ákemdi
Tyńdaıtuǵyn balamyn

Janel:
Jansulý:
Káýsár:
Aıbıbi: Tanystyryp óteıin men ózimdi
Atym – Aıbıbi, Baýyrjannyń qyzymyn men
Jınalǵan qyzǵaldaqtaı qyr gúlimin
Rýym Naıman, ishinde Baınazarmyn
Sozbalap aıta berip ne etpekpin
Men úıdiń erke ósken bir qyzymyn
Búgingi hanshaıymdar saıysynda
Jeńimpaz men bolam dep oılaımyn
Saıystyń «Ózin - ózi tanystyrý» bólimi boıynsha ádil - qazylardan bergen baǵalaryn kóterýlerin suraımyn.

İİ. « Dárýmender densaýlyq saqtaýshysy»
(kúzgi baılyqtardan jarnama jasaý)
Nazym - alma
Janel - alma
Jansulý – sábiz
Aıbıbi – qyzanaq
Talshybyǵym buralyp
Baqshalarda qyzaryp
Turǵan ol men - qyzanaq
Kúnge qarap uıalyp
Káýsár - qıar
Dámim tildi úıirgen
Men tuzdalǵan kúıimde
Jańa pisken kezimde
Jeıdi bári súısine

İİİ. «Ónerli órge júzer» (ónerlerin kórsetý)
Arýlar daıyndaǵan ónerlerin ortaǵa salady.
Muratbek Nazym – «Qarajorǵa» bıi
Sultanbek Janel - ózbek bıi
Ibadýlla Jansulý – káris bıi
Muhambethan Aıbıbi – «Anashym» áni
Qanaı Káýsár – «Aıgólek» áni (Ádil - qazylardyń bergen baǵasy)

İV. «Kim oıǵa júırik»(jumbaq sheshý)
Ortaǵa rettik belgimen arýlardy shaqyryp, unatqan jemis - jıdekterin alǵyzyp sonyń jumbaqtaryn sheshkizý.
Japyraqty boıady,
Atyrapty boıady.
Boıap - boıap barlyǵyn
Sap - sary ǵyp qoıady. (Kúz)

Kókten túsedi,
Jer ishedi. (Jańbyr)
Jerge qazyq qaqtym,
Basyna aıdar taqtym. (Sábiz)
Kók laǵym kógende turyp semiredi. (Qarbyz)
Sýsyz pisken as kórdim,
Domalanǵan bas kórdim. (Qaýyn)
Boıy bir qarys,
Saqaly eki qarys.
/Júgeri/.
Aspaı pisken,
Qaınamaı túsken.
/Jemis/.
Ári qyzyl, ári tátti,
Tatqan jandy tańyrqatty.
/Alma/
Alasa ǵana boıy bar,
Qabat - qabat tony bar.
/Kapýsta/
Mysyq murtty,
Órmek basty.
/Bıdaı/.
4. «Sheber qoldar» (ata - analarmen birlesip jasaǵan jumysy)
Arýlar jasaǵan jumystaryn ádil - qazylarǵa usynady
Ádil - qazylardyń bergen baǵasy

7. «Ásem bizdiń arýlar» (Sán úlgisin kórsetý)
Ádil - qazylardyń bergen baǵalary

Júrgizýshi: Bilim, ǵylym, ónerge,
Qanat qaǵar kezderiń.
Elimizdiń erteńi,
Úmit eter ózderiń.
- deı otyryp, búgingi «Kúz hanshaıymy - 2013» baıqaýyn aıaqtaımyz.
«Kúz hanshaıymy - 2013» saıysy boıynsha arýlarǵa oryndar berilip, madaqtalady