InfoHub Logo

Qazirgi tańda elimizdiń bilim berý júıesinde oqytý úrdisin tyń jańalyqtarǵa tolǵan jańa mazmunmen qamtamasyz etý mindeti tur. Solardyń biri – qoǵamdyq-saıası ómirge belsendi aralasýǵa qabiletti, ózindik pikirin aýyzsha jáne jazba túrde naqty, anyq, júıeli jetkize alatyn jeke tulǵany qalyptastyrý. Joǵarǵy synyp oqýshylaryna tildik quraldardy óz tájirıbesinde paıdalana bilýdiń ǵylymı-ádistemelik tustaryn kórsetip, oıyn júıeli túrde durys aıtyp jáne túsinip jaza alatyndaı etip úıretý – búgingi qoǵam talaby. Sebebi, birinshiden, til – tulǵa mádenıetiniń, ıntellektisi men jan-jaqtylyǵynyń kórsetkishi bolsa, ekinshiden, óz oıyn baılanystyryp  jazý oqýshynyń basqa adamdarmen erkin qarym-qatynasta bolýyna múmkindik beredi.

N. Iý Vtorýshınanyń pikirinshe, shetel tilin, jalpy kez kelgen tildi úırenýde nemese úıretýde jaza bilýdiń, jazbasha tildiń mańyzy zor. Al jalpy orta bilim beretin mekteptiń joǵarǵy satysynda argýmentti jazbasha sóıleýge oqytý jaza bilýdende mańyzdy dep aıtsaq bolady.  Jalpy túsindirme sózdikte, argýment - bul «bir nárseni dáleldeıtin dálel, negiz» degen túsinik beredi. Argýmentter - qoǵamdyq ómirdegi, oqıǵalardaǵy, ómir jaǵdaılaryndaǵy jáne ómir tájirıbelerindegi, ǵylymı dáleldemelerdegi, ǵalymdardyń pikirindegi, ádebı shyǵarmalardaǵy jáne t.b. faktiler bolyp tabylady. Argýmentter myqty jáne senimdi bolýy kerek. Argýmentti jazbasha sóıleýdiń  kommýnıkatıvti maqsaty - kez kelgen erejeniń durystyǵyna áńgimelesýshini sendirý, basqalardyń pikirlerin, kózqarastaryn qabyldaýǵa májbúrleý.

Qorytyndylaı kele joǵarǵy synyp oqýshylaryn argýmenttik jazbasha tilge úıretý jáne damytý joldarynda, túrli jattyǵýlar usynyp, jańa materıaldar qoldanyp, túrlendirip óz oılaryn aıtqyzyp qana qoımaı ony naqty dáleldermen kórsetip, sendirip otyrǵan kezde ǵana oń nátıje beretini sózsiz.

M.Ótemisov atydaǵy Batys Qazaqstan Memlekettik ýnıversıteti
Shet tilderi kafedrasy aǵa oqytýshy: Nýrýsheva Tamara Ivanovna  
Stýdent: Asqarbaı Móldir Asqarbaıqyzy

---