InfoHub Logo

Taqyryby: «Jol tártibin saqtaımyz!» oıyn - saýyq
Mýzyka zalyna balalar áýenmen kirip, oryndaryna otyrady.
Ádis - tásilder: Kórsetý, túsindirý, slaıd, áńgimeleý, qyzyqty sát, oıyn, taqpaq aıtý, jumbaq 
sheshý, qorytyndylaý.
Tehnologıalyq qamtamasyz etý: Jol belgileriniń maketteri, kólikter, baǵdarsham maketi, slaıd.
Júrý barysy:
Júrgizýshi: - Sálemetsizder me, qonaqtar men apaılar!
Jalǵaıtyn dostastyryp bar elmenen, Joldardan turady ǵoı álem degen. Búgingi bizge kelgen qonaqtarǵa, Oıyn – saýyq keshimizdi bastaımyz sálemmenen!
Armanǵa aldap kútken asyǵamyz, Biz qalaı shap qanattaı basylamyz. Jol júrý erejesin jaqsy bilip, Saqtyq pen alǵa umtylǵan jas ulanbyz!
Júrgizýshi: - Balalar, kóshelerde júıtkigen kólikter, avtobýstar, motosıklder júredi. Júrgizýshiler jol apatyna ushyramas úshin jol erejesin saqtaý kerek.
- Balalar, ómirimizdi qaterden saqtaıtyn kóshedegi kómekshimiz ne?
Balalar: - Baǵdarsham.
Júrgizýshi: - Durys aıtasyńdar, balalar!
Osy kezde zalǵa mysyq keledi.
Mysyq: - Máý - máý, máý - máý. Oı - oı, quıryǵym – aı, quıryǵym aýyryp tur.
Júrgizýshi: - Mysyq, seniń quıryǵyńa ne boldy?
Mysyq: - Men joldan ótip kele jatyp edim, mashına quıryǵymdy basyp ketti.
Júrgizýshi: - Mysyq, sen jol erejesin buzǵansyń ǵoı. Sen jolda júrý erejesin bilmeısiń be?
Mysyq: Men erejeni bilmeı – aq júre berem.
Júrgizýshi: Olaı bolmaıdy, mysyq, jol erejesin bilý kerek. Qane, meniń suraǵyma jaýap bershi.
- Avtobýstan túsken soń, kósheniń kelesi jaǵyna qalaı ótesiń?
Mysyq: Avtobýstyń dóńgelekteriniń arasynan ótemin.
Balalar: - Durys emes, avtobýstyń aıaldamadan ótýin kútip, joldyń eki jaǵyna kezekpen qaraǵan soń ótý kerek. Jaqyn mańda jaıaý júrginshiler joly bolsa, sol jerden ótý kerek.
Júrgizýshi:- Balalar durys aıtady, mysyq jol boıyna oınaýǵa bolady ma?
Mysyq: - Ia, doppen oınaýǵa bolady.
Júrgizýshi: Mysyqtyń aıtqanymen kelisesińder me? Jolda oınaıyq pa?
Balalar: - Joq, doppen oınaýǵa bolmaıdy, mashına basyp ketedi.
Mysyq: - Balalar, meniń bul áreketim durys.
Júrgizýshi: - Olaı bolsa, jol erejesi týraly slaıd qaraıyq.
Slaıd qaraý: «Jol belgilerin bileıik».
Mysyq: Raqmet senderge, balalar, sender jolda júrý erejelerin jaqsy bilesińder, men sendermen qalaıynshy, ary qaraı jol erejesin úıreneıinshi.
Júrgizýshi: Balalar mysyq qalsyn ba?
Balalar: Iá, qalsyn.
Júrgizýshi: Balalar qane, kim jumbaqtyń sheshýin tez tabady eken?
Jumbaqtar:
1. Ońǵa da burady, solǵa da burady,
Jol tártibin rettep turady.
Ol ne?(Baǵdarsham.)
2. Eki aıaqty, birizdi,
Ústine meni mingizdi.
Mingizgen men ol meniń,
Aıaǵymdy júrgizdi. (Velosıped.)
3. Tórt aıaǵy dóńgelek,
Adamsyz ol júrmeıdi. (Mashına.)
4. Sóıleýdi ol bilmeıdi,
Biraq «toqta», «júr» deıdi. (Baǵdarsham.)
Taqpaqtar:
Sholpan:
Avtobýsqa asyǵyp, Joldy kesip ótpeımin. Dop tepkendeı asyryp, Bos qalbyrdy teppeımin.
Alı:
Jolaqtardy izdeımin Jaıaý adam ótetin. Asyqpaımyn aptyǵyp, Aldym muny jaqsy uǵyp.
Aıdyn:
Qyzyl tús janǵanda, Baspa qadam sen alǵa Sary túsi janǵanda Daıyndalyp tur munda! Jasyl túsi janǵanda Jorta bergin sen jolda!
Madına: Qyzyl kózin ashqanda, Synyq súıem baspa alǵa! Sary kózin ashqanda, Qarap qalma aspanǵa.
Jasyl kózin ashqanda, Óte bergin, jasqanba!
Múltfılm tamashalaý. «Jol erejesin bileıik»
Oıyn: «Durys ornalastyr».
Sharty: Baǵdarshamnyń kózderin durys retimen ornalastyrý kerek.
Qorytyndy: Aınalaıyn abaıla Jan – jaǵyńa qaraıla Jolda – júrý erejesin Este saqta qalaıda. Mine, balalar, biz jolda qalaı júrý kerek ekenin bildik. Jol erejesin árqashan este saqtaý kerek. Jol erejesin jaqsy bilse kózimizdi jol apatynan saqtaımyz. Al endi osy erejelerdi árqashan oryndap, aman bolaıyq.

Atyraý qalasy Birlik aýyly
№35 «Balaqaı»
bóbekjaı - baqshasynyń tárbıeshisi
Tynysbaeva Bıbıgýl Jemekovna