InfoHub Logo

Jambyl oblysy,
T. Rysqulov aýdany, Qulan aýyly
«Balapan» balabaqshasy tárbıeshisi:
Egemberdıeva Aınýra Djanabaevna

Ótiletin jeri: mýzyka zaly
Keıipkerler: Kúz hanshaıymy.
Taqyryby: «Jomart kúz».
Maqsaty: Balalardyń tabıǵattyń kúz mezgili jaıly bilimderin keńeıtý.
Balalarǵa merekelik kóńil – kúı syılaý.
Balalardy eńbekqorlyqqa tárbıeleý.

Merekege saı bezendirilgen zal. Ádemi sazdy áýen oınalyp turady. Búldirshinder tárbıeshimen birge kirip, oryndyqtarǵa jaıǵasady. Balalardyń qoldarynda japyraqtar.

Tárbıeshi: Qurmetti qonaqtar, ustazdar! Búgin «Balbóbek» orta tobynyń balalary daıyndaǵan «Jomart Kúz» atty erteńgiligine qosh keldińizder.
Armysyzdar, halaıyq,
Barmysyzdar halaıyq!
Kúzgi toıdy jup jazbaı,
Kelińder qarsy alaıyq!
- Qarańdarshy, búgin bizdiń balabaqshamyz qandaı ádemi bolyp ketken.
Qolymyzǵa ne ustap keldik?
- Japyraqtar.
- Japyraqtardyń tústeri qandaı?
- Sary, qyzyl, jasyl.
(Syrttan bir dybys estiledi, jeldiń shýy)
- Balalar, tyńdańyzdarshy bul ne shý?
(Osy kezde ádemi áýenmen Kúz hanshaıymy keledi)
Kúz hanshaıymy: Sálemetsizder me, balalar!
Balalar: Sálemetsiz be!
Kúz hanshaıymy: Ýa, halaıyq, darhan dalam armysyń,
Tabıǵatym jany jaısań tal músin
Hanshaıymy Kúzdiń búgin kelip tur,
Almaq bolyp bar halqymnyń alǵysyn.
Men – Kúz hanshaıymymyn. Senderdi kórgenime qýanyshtymyn.
Tárbıeshi: Qosh keldiń, Kúz hanshaıymy! Tórlet!
Kúz hanshaıymy: Balalar, men senderge bir jumbaq jasyraıyn, jaýabyn tabyńdar.

Jumbaq:
Aǵaıyndy bári,
Shyqsa – jasyl,
Tússe – sary. Bul ne?
Balalar: Japyraq.

Kúz hanshaıymy: Durys taptyńdar, jaraısyńdar! Men ózimmen altyn japyraqtarymdy ala keldim. Ár japyraǵymda tapsyrmalar. Eger de tapsyrmamdy oryndasańdar, meniń de senderge degen syılyǵym bar.
Tárbıeshi: Árıne, qymbatty Kúz hanshaıymy! Bizdiń balalar Kúz týraly óleń, taqpaq aıtyp, bı bılep jumbaqtar sheshe alady. Siz bizben birge kúz merekesin tamashalańyz. Balalardyń sizge arnaǵan áni bar.

Bı: «Japyraqtar»

Kúz hanshaıym: Jaraısyńdar, balalar, endi meniń birinshi tapsyrmamdy tyńdańdar.
1 - suraq: Kúz mezgili neshege bólinedi? (Erte Kúz, altyn Kúz, qara Kúz)
2 - suraq: Kúz aılaryn ata. (Qyrkúıek, qazan, qarasha )
Tárbıeshi: Endeshe ortaǵa Kúz aılaryn shaqyraıyq.

Azıada: (Qyrkúıek)
Birinshi qyrkúıek
Bilimge bastady.
Mal men ań júr bılep,
Qus sharlap aspandy.
Bekjan: (Qazan)
Jańartqan ǵalamdy
Jańbyrly ǵajap aı
Osynaý zamandy
Ornatqan qazan aı.
A. Abylaı: (Qarasha)
Mol baılyq tergeni
Shattyǵy qanshalyq.
Qarashy, órledi
Qarasha án salyp.

Tárbıeshi: Minekı, balalar Kúz aılarymen tanystyńdar.
Ónim bıyl tamasha!
Kóz toımaıdy qarasa:
Sábiz, pıaz, qıar, kartop,
Burshaq, asqabaq, qyzylsha,
Qyzanaq, oramjapyraqqa qarashy.
Kókónister bir jerde jıyla qalyp daýlasty.
Balalar (hormen):
Jınalyp qappyz bárimiz,
Qaısymyz eń dámdimiz?
İshimizden adamǵa
Tıedi kóp paıdamyz?
Altynaı: (Burshaq)
Kishkene túımedeımin men
Unaımyn men bárine
Dámdi taǵamdarymen
Syı jasaımyn bárińe

Áziret: (Qyzylsha)
Men de bir sóz aıtaıyn
Maqtanaıyn sizderge.
Mensiz borsh bolmaıdy
Vınegret te ústelde.

Erkemaı: (Oramjapyraq)
Maqtanǵannan ne paıda?
Mensiz dámdi shı qaıda?
Meni qossa samsaǵa,
Bári jeıdi tamsana.

Azız: (Qıar)
Dámim tildi úıirgen
Men tuzdalǵan kúıimde!
Jańa pisken kezimde
Jeıdi bári súısine!

Nurlyaıym: (Sábiz)
Kim bar sábiz shyrynyn
Jastaıynan ishpegen?
Meni jegen adamdar
Kem bolmaıdy kúshke de!

Beknur: (Asqabaq)
Ósem baqsha - baýynda
Qatty uqsaımyn qaýynǵa
Jemek bolyp shıkideı
Kúlki bolmaı qaýymǵa.

Asylan: (Qyzanaq)
Pisken kezde qyzanaq
Kóz tartar qyzyl túsimen
Bar ma adam súısinbeı,
Tomat shyryn ishpegen?

Darken: (Pıaz)
Bolamyn men dámdeýshi
Barlyq - barlyq taǵamǵa
Kókónister ishinen
Men paıdaly adamǵa.

Dıana: (Kartop)
Men uıalshaq kartoppyn
Men emespin maqtanar
Meni jaqsy kóredi
Úlkender men balalar.
Bos aıtysty qoıaıyq,
Daýlasýdy toqtataıyq!
Kókónister barlyǵy:
Jınalyp qappyz bárimiz,
Qaısymyz eń dámdimiz?
İshimizden adamǵa
Tıedi kóp paıdamyz?

Tárbıeshi:
Kókónister báride
Densaýlyqqa paıdaly
Muny jaqsy bilińder,
Olardy jaqsy kórińder

Tárbıeshi: Balalar, Kúz mezgiliniń jańbyrly kúnderinde biz aıaǵymyzǵa ne kıemiz?(galosh). Qolymyzǵa ne ustaımyz?(qolshatyr). Endeshe men sendermen «Kim jyldam?» oıynyn oınaǵym kelip tur Oıyn sharty boıynsha eki bala aıaqtaryna galosh kıip, qoldaryna qolshatyr ustap jarysady.

Oıyn: «Kim jyldam?»
Tárbıeshi: Kúz hanshaıymy, balalardyń oıynyna baǵa berińiz.