InfoHub Logo

Jambyl oblysy,
T. Rysqulov aýdany, Qulan aýyly
«Balapan» balabaqshasynyń tárbıeshisi:
Amanjolova Janar Baırambaevna

Taqyryby: «Úı janýarlary»
Bilim berý salasy: Tanym. Shyǵarmashylyq
Bólimi: Ekologıa. Músindeý.
Maqsaty: Balalarǵa úı janýarlarynyń nelikten úı janýarlary dep atalýyn túsindirý. Olardyń attaryn durys atap, tólderiniń dybystaryn ajyrata bilýge úıretý. Úı janýarlaryna qamqorlyq jasaı bilýge tárbıeleý. Balalarǵa ermeksazdy ıleý, alaqan arasynda domalaqtaýdy úıretý, uqyptylyqqa, tazalyqqa tárbıeleý.
Kórnekiligi: taqyrypqa saı sýretter, oıynshyq úı janýarlary.
Ádis – tásili: túsindirý, suraq - jaýap, oıyn.
Sózdik jumys: úı janýarlary.
Bılıngvızm: sıyr - korova, buzaý - telónok.
Inklúzıvtik: balalarmen jeke jumys júrgizý
Keıipker: áje
Tárbıeshiniń is - áreketi
Motıvasıalyq qozǵaýshy
Shattyq sheńberi:
Kúnniń kózi ashylsyn,
Kókke shýaq shashylsyn,
Qaıyrly tań dostarym,
Sálemetsiz be, ápkeıler.

Uıymdastyrý izdenis
Balalar men senderge jumbaq jasyramyn, sender muqıat tyńdap, sheshýin tabyndar.
Jumbaq:
Kishkene ǵana boıy bar,
Aınaldyra kıgen tony bar.
(Qoı)
Eki naızasy bar,
Eki aınasy bar,
Tórt syldyrmaǵy bar
Bir sypyrǵyshy bar.
(Sıyr)
Myna sýretten qandaı úı janýarlaryn kórip tursyndar?
Balalar bulardyń bárin bir sózben úı janýarlary deımiz.
Úı janýarlarynyń adamǵa paıdasy mol. Sondyqtan úı janýarlary qorada ómir súredi. Adamdar úı janýarlaryna qamqor jasap olarǵa jem, sý, shóp beredi.
Sıyr bizge sút beredi, sútinen aıran, maı, qurt, irimshik jasaımyz.

Al endi balalar beınetaspany tamashalaımyz.

- Mynaý qaı úı janýarlary?

Attaryn atap óteıikshi.
Úı janýarlarynyń tólderi bar.
Sıyrdyń tóli – buzaý.
Qoıdyń tóli - qozy.
Jylqynyń tóli - qulyn.
Eshkiniń tóli - laq.
Túıeniń tóli - bota deımiz.

Balalar endi sendermen «Tólin tap» oıynyn oınaımyz.

Maqsaty: Balalardyń este saqtaý qabiletin damytý.
Sharty: Úı janýarlarynyń sýreti ilinip turady. Osy janýarlarynyń janyna óz tólin taýyp ilýi kerek.

Al endi balalar teledıdardan janýarlardyń ózderine tán dybystaryn tyndaıyq.

Balalar búgin bizge qonaqqa áje kelipti. Qane bárimiz ájemen amandasyp alaıyq.
Áje:
- Sálemetsińder me, balalar!

Tárbıeshi:
- Balalar áje bizge bazarlyq alyp kelipti. Qane ne alyp kelgenin kórip attaryn atap óteıik.

Bul taǵamdardy biz sıyrdyń sútinen jasaımyz.
Sıyrdyń dene músheleri týraly túsinik berý.
Sıyrdyń tólin – buzaý deımiz. Sıyr mó - mó - mó dep dybystaıdy.
Bılıngvıstıka:
Sıyr - korova.
Sózdik jumys: Úı janýarlary

Sergitý sáti:
Bizderde bar qýyrshaq,
Buzaý qozy, qulynshaq,
Oıynshyqtar tyndaıdy,
Aıtqanyńnan shyqpaıdy.
Shyǵarmashylyq ortaǵa barady.
Balalar biz ájege syılyqqa qurt jasap bereıikshi.
Ol úshin aldymyzdaǵy aq tústi ermeksazdy alaqan arasyna salyp, jumsartyp, sol alaqanǵa qoıyp, oń alaqanmen domalaqtaımyz.
Qaýipsizdik erejesi:
Jeńimizdi túremiz, ermeksazdy aýyzǵa salýǵa bolmaıdy, ústeldiń ústine, kıimge jaǵýǵa bolmaıdy.
Áje: qarańyzshy bizdiń balalar sizge qandaı ádemi qurt jasap berdi.
Áje: Balalar senderge kóp rahmet!
Men endi úıge baryp myna jasaǵan qurttaryńdy atalaryńa kórseteıin.

«Ne joq» oıyny.
Sharty: Ústeldiń ústine oıynshyq úı janýarlaryn qoıyp. Sol oıynshyqtyń ishinen, bir oıynshyqty alyp tastap, joq oıynshyqty tapqyzý.