InfoHub Logo

Taraz qalasy,
№26 Abaı atyndaǵy orta mektebiniń
matematıka páni muǵalimi
Talqanbaev Muhtar Dáýletuly

Sabaqtyń taqyryby: «Juldyzdy saǵat»
Sabaqtyń maqsaty:
B. Oqýshylardyń ótilgen taqyryptardy tereń meńgerýin, bilimin, iskerligin jetildirý.
D. Matematıka pánine degen qyzyǵýshylyǵyn arttyrý, uqypty tyńdaýǵa, suraqtarǵa naqty jaýap berýge, praktıkamen ushtastyrýǵa úıretý, shyǵarmashylyǵyn, oılaý qabiletin damytý.
T. Uqyptylyqqa, naqtylyqqa, shapshańdyqqa, adamgershilik qasıetterge tárbıeleý
Sabaq túri: jarys sabaq
Sabaqtyń kórnekiligi: Interaktıvti taqta, plakatqa jazylǵan sabaq taqyryby, bilim týraly naqyl sózder, rebýs, ár pánge baılanysty suraqtar, juldyzshalar, sharlar, kespe qaǵazdar.

Sabaq jospary:
İ kezeń: 1) Báıge
2) «Qaı pándi qalaısyń»
İİ kezeń: 1) «Polıglot»
2) «Sıqyrly jáshik»
3) Logıkalyq esepter
İİİ kezeń: 1) Kýbızm tásili.
2) Sóz qurastyrý
3) Rebýs sheshý.

Sabaqtyń barysy:
İ. Uıymdastyrý kezeńi – Plakattardy ilip taqtany daıyndaý. Oqýshylardy kóńilin sabaqqa aýdarý. Ortaǵa eki júrgizýshi shyǵady.

1 - júrgizýshi:
«Ómir degen kók muhıttyń tolqyny.
Bir - birimen jatqan shýlap, jalǵasyp
bir - birimen jatqan týlap arbasyp.
O, tolqyndar, arpalysyp alǵa shyq.
Ómir degen máńgi gúldep jatatyn,
qushtarlyqtyń tolǵaǵy men kóktemi»
dep T. Aıbergenov aǵamyz jyrlaǵandaı ómirdiń ózi saıys. Búgin matematıka pániniń alǵyrlary bilimderimen kúsh synasýǵa kelip otyr. Ortaǵa jarysýshy oqýshylardy shyǵaraıyq.

2 - júrgizýshi:
Minekı zalda tynyshtyq
Estilmeıdi dybys túk.
Muny bizde qoshtaımyz.
Keshikkenderdi tospaımyz.
Matematıka aptalyǵynda
Juldyzdy saǵatty bastaımyz.
Qurmetti qonaqtar, muny durys uǵaıyq,
Matematıka páni qurmetteýge laıyq.

1 - júrgizýshi: Qurmetti qonaqtar, ustazdar, oqýshylar. 5 synyp oqýshylarynyń qatysýymen ótkiziletin matematıkadan «Juldyzdy saǵat» atty saıysty bastaýǵa ruqsat etińizder.

2 - júrgizýshi:
Kórermen jınalǵan bul tamashaǵa,
Qur qarap jym otyrý jarasa ma?
Týys dosqa, klastas, tanysqa emes
Soq qolyńdy bilimdi jas talapqa.

1 - júrgizýshi:
Al endi jarysymyzdy bastaıyq.

İ kezeń.
1 bólim «Báıge» dep atalady, matematıka páninen suraqtar. (durys jaýap bergen oqýshy juldyz alady.)
1. Jup san degenimiz ne? (2 - ge bólinetin natýral sandar)
2. Taq san degenimiz ne? (2 - ge bólinbeıtin natýral sandar)
3. Qandaı sandar 5 - ke bólinedi? (jazylýy 0 jáne 5 sıfryna aıaqtalatyn natýral sandar)
4. 10 - ǵa qandaı sandar bólinedi? (0 sıfrymen aıaqtalatyn sandar)
5. Qandaı sandar 3 - ke bólinedi? (Sıfrlarynyń qosyndysy 3 - ke bólinetin natýral sandar)
6. Jaı sandar degenimiz ne? (1 - ge jáne ózine ǵana bólinetin sandar)
7. Qurama sandar degenimiz ne? (Ekiden kóp bólgishteri bar sandar)
8. Jup jaı san bar ma? Bolsa nesheý? (2; bireý)
9. EKOE degenimiz ne? (Berilgen natýral sandardyń árqaısysyna eselik bolatyn eń kishi natýral
san)
10. Sheńber degenimiz ne? (Barlyq núkteleri bir jazyqtyqta jáne sentrden birdeı qashyqtyqta
jatatyn fıgýra)
11. Radıýs degenimiz ne? (Sheńber sentrin onyń boıyndaǵy núktemen qosatyn kesindi)
12. Dıametr degenimiz ne? (sentr arqyly ótetin, sheńberdiń eki núktesin qosatyn kesindi)
13. Bólshektiń negizgi qasıetin tujyrymda. (Eger bólshektiń alymyn da, bólimin de birdeı natýral sanǵa kóbeıtsek
nemese bólsek, onda oǵan teń bólshek alynady)
14. Durys bólshek degenimiz ne? (Alymy bóliminen kishi bólshek)
15. Burys bólshek degenimiz ne? (Alymy bóliminen úlken bólshek)
16. Natýral san qandaı bólshek (Burys)
17. Aralas san degenimiz ne? (Bútin bólikten jáne bólshek bólikten turatyn san)
18. Bólimderi birdeı bólshekterdi qalaı salystyramyz? (qaısysynyń alymy úlken, sol bólshek úlken bolady)
19. Alymdary birdeı eki bólshekti qalaı salystyramyz? (qaısysynyń bólimi kishi, sol bólshek úlken bolady)
20. Bólimderi birdeı bólshekterdi qosý (Alymdary qosylyp, bólimi ózgerissiz jazylady)
21. Bólimderi ár túrli bólshekterdi qosý (Ortaq bólimge keltirip, bólim etip jazamyz, alymdaryn qosamyz)
22. Jaı bólshekterdi kóbeıtý (Alymdaryn kóbeıtip alym etip, bólimderin kóbeıtip bólim etip jazamyz)
23. Alıkvottyq bólshek degenimiz ne? (Alymy 1 - ge teń durys bólshek)
24. Ózara keri sandar degenimiz ne? (Kóbeıtindisi 1 - ge teń eki san)
25. Jaı bólshekterdi bólý úshin (Bólingish bólshekti bólgish bólshekke keri sanǵa kóbeıtý kerek)
26. Sannyń bóligin qalaı tabamyz? (Sandy osy bólshekke kóbeıtý kerek)

2 bólim
«Qaı pándi qalaısyń?» dep atalady. (Juldyzy az oqýshy tańdaıdy)
Matematıka: Bóligi boıynsha sandy qalaı tabamyz?(Bólikke sáıkes sandy osy bólshekke bólý kerek)
Qazaq tili: Daýysty dybystardyń túrlerin ata. (Ashyq, qysań daýystylar)
Orys tili: Chto takoe ımá sýshestvıtelnoe? (Imá sýshestvıtelnoe chastrechı kotoraıa otvechaet na voprosy kto? chto?)