InfoHub Logo

Bilim salasy: Áleýmettik orta
Bólim: Ózin - ózi taný

Taqyryby: Júregimde jaqsylyq
Maqsaty, mindetteri: Balalardy « qamqorlyqqa», «ózine jáne ózgege» degen qamqorlyq uǵymdarymen tanystyrý, balalardyń sanasyna, ózine, jaqyn týystaryna, dostaryna degen qamqorlyq sezimin qalyptastyrý jáne damytý.
- Balalardy adamdarǵa, aınalasyndaǵylarǵa qamqor, kishipeıil, meıirimdi, qaıyrymdy bolýǵa úıretý;
- Dostaryna, januıasyna, týystaryna súıispenshilikterin arttyrý;
- Qamqor bolýǵa tárbıeleý;
Zattyq damý ortasy: Interaktıvti taqta, oqýlyq, túrli – tústi qaǵazdar, jelim, qaıshy.
Áreketter kezeńi Tárbıeshiniń is – áreketi
Balanyń is - áreketi

Motıvasıalyq - qozǵaýshy Balalarmen sálemdesý Balalar sálemdesedi
Uıymdastyrýshylyq - izdenýshilik 1. Shattyq sheńberi
Qaıyrly kún balalar! Osyndaı meıirimdi, aqyldy, qamqorshyl, qaıyrymdy oqýshylarymdy kórgenime qýanyshtymyn. Al endi búgingi sabaqqa kelip otyrǵan qonaqtarmen sálemdeseıik! Sálemdesý adamgershiliktiń, ınabattylyqtyń, izettiliktiń nyshany.
Úlkenge de siz,
Kishige de siz,
Sálem berip sizderge,
Bas ıemiz bárimiz!
Myna shýaqty kúnniń jyly shyraımen, meıirim shashyp, máz bolyp qýanyp turǵanyn qarańdarshy! Endeshe bizde oǵan jyly shyraımen, kóterińki kóńil kúımen kúlimsirep sálem bereıik. Mine, tamasha! Endi, qanekeı bir - birimizdi qarsy alaıyq!
Biz qamqorshy balamyz,
Úlkenderge panamyz.
Aıalaımyz, súıemiz,
Árqashanda úlkenge
Biz qamqorshy bolamyz.
Al, endi men senderdi yńǵaılap otyrýǵa shaqyramyn. Qazir áýen oınaǵan kezde, júregimizdegi sıqyrly álemge attanamyz. Kózderińdi juma qoıyndar.

2. Tynyshtyq sáti (Mýzyka)
- Balalar, sender baq ishin aralap júrgenderińdi kóz aldaryna elestetińdershi. Tóńirekke súısine qarańdarshy.
Óte tamasha!
Bul ne ǵajap!
Baq múlde ózgergen. Jazdaǵy jap - jasyl tús sary altyn túske boıalǵan. Aıaq astyna qarańdarshy, jerge sap - sary kilem tóselgen sıaqty. Jer júrýge yńǵaıly, jup - jumsaq. Anda - sanda aǵarańdap jemis aǵashtary kórinip qalady. Olardyń sary japyraqtary sýsyldap jerge túsip jatyr, butaqtarynyń arasynan kógildir aspan kórinip tur. Osy tamasha sıqyrly baqqa kelgen adamdar meıirimdi, qamqorshyl bolyp keledi. Óıtkeni bul - sıqyrly baqsha. Munda danyshpan qarıa ómir súrip keledi. Ol qarıa sender sıaqty jaqsy, izetti balalardy jaqsy kóredi. Eger onyń janyna baryp:«Assalaýmaǵaleıkým ata!» dep sálem berseńder, ol óziniń jyly alaqanymen senderdiń bastarynan sıpap, batasyn beredi. Al endi qarıanyń batasyn alyp, óz synybymyzǵa qaıta oralaıyq!
Endi sender, odan beter meıirimdi, ınabatty, izetti, tártipti bala bolasyńdar. Endi kózderińdi ashyp, qoldaryńdy joǵary sodan keıin eki jaqqa sozyńdar, tereń dem alyńdar, mine tamasha!
- Balalar tynyshtyq sátinde senderdiń kóz aldaryna ne elestedi?
- Sender qandaı jerde bodynda dep oılaısyńdar?
Endi men senderge óleń oqyp bereıin.
Atam meniń qashanda,
Kishipeıil bol degen.
Aqyl sózi sanamda,
Maqtanbaýdy jón kórem.
Atam meniń árqashan,
Meıirimdi bol degen.
Aqyl sózi sanamda,
Jasy úlkenge jol berem.
Atam meniń árqashan,
Qamqorshy bala bol degen.
Qamqor bolsa adamdar,
Shyn baqyt qoı ol deıtin.

3. Áńgimeleseıik
- Balalar, óleńde ne jaıly aıtylǵan?
- Sender atalaryna kómektesesińder me?
- Sender qamqorlyq jasaı alasyńdar ma?
- Al, balalar, qamqorlyq degendi qalaı túsinesińder?
- Endeshe, balalar! Men búgingi «ózin - ózi taný» sabaǵyn rýhanı qundylyq bolyp tabylatyn «qamqorlyq» degen sózden bastaǵym kelip tur. Búgingi tárbıe saǵatymyzdyń taqyryby «Júregimde jaqsylyq».
Qamqorlyq degenimiz - adam oıy men is - áreketiniń ózine, ata - anasyna, jaqyndaryna, jora - joldastaryna jáne aınalasyndaǵylarǵa jaqsylyq jasaýǵa umtylýy. Halqymyz urpaǵyn meıirimdilikke tárbıelep, qatygezdikten qaqpaılap, qataldyqtan saqtandyryp otyrǵan. Meıirimdi adam qamqor bolýǵa yntyq keledi.
Árbir adamǵa óz janymyzdaı qamqor bolsaq, bizge de basqa ózge adamdar qamqorlyq jasaıdy. Olaı bolsa, ózińdi de, ózgeni de aıalaı bilýimiz qajet dep túsinýimiz kerek

Balalardyń qonaqtarmen sálemdesýi
Inabatty, ıbaly qasıetterin boıyna sińirdi.
Óleń shýmaqtaryn aıtty
Balalar suraqtarǵa jaýap berdi
Balalar bir - birlerine qamqor bolýdy úırendi

Refleksıvti - túzetýshilik «Júrekten - júrekke» sheńberi
Balalar, «Ózin - ózi taný» áleminde tek bizdiń júregimiz sóılese alatyn bir ǵajaıyp jer bar.
Ol jerge barý úshin «Júrekten - júrekke sheńberin quraıyq. Bir topta bárimiz tatý - tátti ómir súrý úshin bir - birimizge júrek túkpirindegi óte ádemi, jaqsy sózderdi arnaıyq. Osy jyly sózderimizdi kelgen qonaqtarǵa syılaıyq.

Balalar sheńber qurady.
Kútiletin nátıje:
Bilý: Adamgershilik, ınabattylyq, izettilik, ıbalyq t. b. jaıly málimetterdi bildi.
Meńgerý: Osy qasıetterdi boıyna sińirip, meńgerdi.
Jasaı alý: Bir - birlerine qamqorlyq kórsete alady.