InfoHub Logo

Taqyryby: «Júrek jylýy»
Maqsaty: Balalardyń boılaryndaǵy adamgershilik, qaıyrymdylyq, súıispenshilik, izgilik, ınabattylyq, aqyldylyq, ádeptilik qasıetterin oıatý.
Mindetteri: - Jaqsy tilek, izettilik, izgilik týraly túsinikterin qalyptastyrý;
- Qaıyrymdylyq qarym - qatynas jasaý, iskerlikterin damytý;
- Meıirimdilikke, izgilikke tárbıeleý.
Kórneki quraldar: Jaýqazyn gúlderi, ádemi júrekshe, vıdeosújet, proektor, slaıd, beıdjıkter, baıaý mýzyka.

Shattyq sheńberi:
Sálemetsizder me, meniń qymbatty dostarym. Men senderdi kórgenime óte qýanyshtymyn.
- Bizdiń búgingi sabaǵymyz «Júrek jylýy» dep atalady. Olaı bolsa, shattyq sheńberine turaıyq.
- Balalar qoldaryńyzdy júrek tusyna bir sát qoıyp, dúrsilin tyńdap kórińdershi. Senderdiń júrekteriń meıirimge, qaıyrymǵa, mahabbatqa, jyly sezimge toly. Adam boıyndaǵy bar jylý men meıirim júrekten shyǵady. Endi osy júrekten alǵan jylýymyzdy aınalamyzǵa shashyp bóliseıik.
-
Áńgimelesý.
- Tabıǵatqa qamqorlyq jasaǵan kezderiń boldy ma?
- Sender úlkenderge qandaı kómek kórsettińder?
- Meıirimdilik degendi qalaı túsinesińder?

Jańa aqparat.
Meıirimdi adam ózge adamǵa, týǵan - týystaryna, tabıǵatqa degen janashyrlyq sezimin, qamqorlyǵyn kórsetýge daıyn turady. Árqashanda adamdar bir - birine jyly sezimderin bildirip, tek jaqsylyq oılaý, ıgilik jasaý arqyly meıirimdilik tanyta alady.
Oıyn - jattyǵý.«Kómek»
Balapandarynan adasyp qalǵan taýyqqa kómektesý úshin balapandar sýretiniń artqy betindegi suraqtarǵa jaýap beriledi.

Tapsyrma.
- Sen dosyńmen kólge shomylýǵa bardyń. Kenet dosyńnyń «Qutqar» degen daýsyn estidiń. Sen ne ister ediń?
- Sen jolda kele jatyrsyń. Shuńqyrǵa túsip ketken balapandy kórdiń. Balapan «shıq - shıq» etip shyǵýdyń áreketin jasaıdy. Biraq oǵan shamasy kelmeıdi. Osy jaǵdaıda sen qandaı áreket ister ediń?
- Ár adamnyń júregi meıirimdi de qaıyrymdy bolý úshin ne isteý kerek?
Parasatty bolý
Jaqsylyq jasaý
Qamqorlyq kórsetý
Kómek berý
Meıirimdilik kórsetý
Janashyrlyq tanytý
İzgilik
Adamgershilik saqtaý

Dáıek sóz.
Tabıǵattaǵy barlyq jylý - kúnnen,
Ómirdegi barlyq jylý – adamnan. M. Prıshvın
Mátinmen jumys.
Balalardy tabıǵatqa qamqorlyq jasaýǵa jeteleý maqsatynda Z. Meıirhanovtyń «Marjan men jaýqazyn» áńgimesin muǵalim oqyp beredi. Balalar suraq boıynsha óz oılaryn aıtady.
- Marjan jaýqazynǵa qandaı jaqsylyq jasady?
- Marjanǵa baǵa ber.
Shyǵarmashylyq jumys.
«Jaqsylyq tamshysy»
Oqýshylardyń sanyna sáıkes aldyn - ala daıyndalǵan tamshy úlgisinde qıylǵan qaǵazdar úlestiriledi. Ár bala tamshyǵa ózi jasaǵan jaqsy isterin jazady. Taqtaǵa tamshylardy ilip, ózgelerge, aınalasyna ózi jasaǵan jaqsy isterin jarıa etedi.
- Balalar, árqaısyńnyń tamshydaı jasaǵan jaqsylyqtaryńdy qosqanda úlken darıaǵa aınalady. Iaǵnı ár adamnyń júregi jaqsylyqqa toly bolsa, jer betinde beıbitshilik ornap, adamdar baqytty ómir súredi.
Tapsyrma.
Oqýshylardyń alǵan bilim - bilikterin naqtylaý maqsatynda tapsyrma beriledi. Tapsyrma boıynsha balalar oqýlyqta berilgen sýretterge qarap, osyndaı jaǵdaılarda qandaı jaqsylyq jasaýǵa bolatyndyǵyn áńgimelep aıtady. Balalardyń jaýaptary tyńdalady.
Júreginde jylýy bar adamdardyń kómekke muqtaj jandarǵa, jan - janýarlarǵa, tabıǵatqa qamqorlyq jasaıdy. Jaqsylyq jasaý – adam júregindegi eń asyl qasıetteriniń biri. Jaqsy adam qol ushyn berýge, járdem etýge, janashyrlyq tanytýǵa, kómek kórsetýge, qoldaý jasaýǵa árdaıym daıyn turady.

Tynyshtyq sáti.
- Balalar, yńǵaılanyp otyryp, tereń tynys alyńdar, kózderińdi jumyńdar. Endi kóz aldaryńa aıtqandarymdy elestetińder.
- Ashyq aspan, qalyqtaǵan qus, jaıqalǵan qyzyl - sary gúlder, jaınaǵan baq, jarqyrap bar jylýyn shashqan kún, bıiktigi kók tiregen ǵımarattar, kún shýaǵyna bólengen baqytty balalar, balalardyń qýanyshyna máz bolǵan analar, oqýshylardyń bestigin maqtan tutqan ustazdar, nemereleriniń aqyldylyǵyna rıza bolǵan ájeler. Tula boılary jaqsylyqqa, mahabbatqa, qýanyshqa tolǵan jandardy kóre otyryp, osyndaı sezimmen kózimizdi ashamyz.

Dáptermen jumys.
Oqýshylarǵa dáptermen jumysty oryndaý joldaryn túsindirý.
- Sýrettegi bos tor kózderge «Ana degen kim?»suraǵyna jaýaptar jazyńdar. (Oqýshylar tapsyrmany oryndap bolǵan soń, jarıa etedi)
- Rasynda da, adamnyń ádeptiligimen, jan dúnıesiniń jylýlyǵy eń aldymen balaǵa aq sút berip, álpeshtep ósirgen ana júreginiń jylýynan bastalady. Ananyń názik úni, jumsaq ta aıaly alaqany jan jylýymen bizdi áldılep jubatady, kóńilimizdi sergitedi.
Qurmetti ustaz - analar alda kele jatqan merekelerińizben quttyqtaımyz!(Oqýshylar jaýqazyn gúlin ustazdarǵa syılaıdy)
Júrekten júrekke.
Oqýshylar júregimizdi jaqsy tilekke toltyraıyq. (oqýshylar júrekke jaqsy tilekter jazyp ony úlken júrekke iledi)
Elimizde qaıyrymdylyq jasaýdyń negizinde qurylǵan «Bóbek» qory. «Bóbek» qorynyń prezıdenti Sara Alpysqyzy Nazarbaeva elimizdegi kómekke muqtaj jandarǵa qol ushyn berip, aıaly alaqanyn usynýda. ( Oqýshylarǵa slaıd arqyly kórsetý)

Bastaýysh synyp muǵalimi: Shygysova Gýlzıa Saılaýovna