InfoHub Logo

Belgili prodúser Gúlzıra Aıdarbekova kásipker ári bloger Sáýle Bazarhannyń qazasyna baılanysty áleýmettik jelide kóńil aıtyp, jan tebirenterlik jazba jarıalady.

Bul týraly Infohub.kz aqparat agenttigi habarlaıdy.

Óner ıesi marqumnyń qazasyn estip, qatty kúızelgenin jasyrmady. Ol óziniń áleýmettik jeli paraqshasynda bylaı dep jazdy:

«3 kúnnen beri Sáýle sińilim ári qurbymdy storısime salyp jatqanym, qýanǵan da, qaıǵyrǵan da sátimizdi de jasyra almaıtynymyz ras, sizdermen bólisemiz. Eki tún múldem uıyqtaı almadym, “Gýleke” dep yrjıtyp kirip kelip qalatyndaı, qońyraý soǵatyndaı. Tashkentke konsertke quda-qudaǵılarymyzben birge baryp, ary qaraı birge demalys oryndaryna baryp demalamyz dep, kelisimiz boıynsha Shymkentke demalys uıymdastyryp, erterek ushqanbyz. Ushaqtyń qonǵany sol, qanshama propýshennyı zvonok. Qurbylarym da, bala-shaǵam da sýyq habardy estip, toqtamaı zvondaı bergen ǵoı. Janym tynysh tappaı, qonaqtarymdy tastap, qaıta ushyp kettim. Eń bolmasa jer qoınyna Sáýleshimdi jerlemeı turyp, kózimmen kórgim keldi».

Sondaı-aq ol marqummen qoshtasý sátin eske alyp, jınalǵan jurttyń qaıǵydan qabyrǵasy qaıysqanyn aıtty.

«Úıine bardym, kirdim kórdim, mop-momaqan bolyp uıyqtap jatyr, ózi de óte sabyrly edi. Keshki qonaq asyna baýyrlary, qurbylarym jınalyp kútip otyr eken, jylaý da jylaý bolyp túnde úıimizge taradyq. Búgin Tashkentte konsertimiz, Juldyz, Zańǵar, Indıraǵa sender janazasyna, quranǵa baryńdar, Sáýle týǵan sińlimdeı jaqyn ekenin bilesińder dep, ózim amalsyz qaıta ushyp kettim, ıá, anashym dep túgel baryp, kóńil-kúıleri túsip qaıtty. Kelgenderdiń bári, erler de, áıelder de egilip jylap, tipten sóıleı almaı qımastyqtaryn bildirdi»,- dedi Gúlzıra Aıdarbekova.