InfoHub Logo

Bloger Juldyz Jaýynbaeva jýrnalıs Anna Danchenkoǵa bergen suhbatynda tanymal bloger Darhan Jolshybekovtiń áıeli, ánshi Daricorn (Dárıǵa) týraly aıtylmaǵan syrlardy ashyp saldy. Jaýynbaevanyń aıtýynsha, Jolshybekov oǵan áıelimen aralasýǵa tyıym salǵan.

Bul týraly Infohub.kz aqparat agenttigi habarlaıdy.

Blogerdiń áıeline qatysty aıtylǵan sózder

Juldyz Jaýynbaevanyń sózinshe, Darhan Jolshybekovtiń áıeli Dárıǵa onyń qurbysy bolǵan. Alaıda, keıinnen Darhannyń ózi Dárıǵaǵa Juldyzben aralasýǵa bolmaıtynyn aıtqan. Bul jaıt Juldyzdy qatty tańǵaldyrǵan.

«Daricorn meniń qurbym. Bir otyrysta amandassam, maǵan senimen aralasýǵa bolmaıdy, kúıeýim Darhan qarsy, dedi. Qurbym Dárıdan mundaıdy kútpegen edim, jaman bolyp qaldym», - deıdi Jaýynbaeva.

Blogerdiń burynǵy áreketteri

Juldyz Jaýynbaeva Darhan Jolshybekovtiń ózine qatysty burynǵy áreketteri týraly da aıtyp berdi. Onyń aıtýynsha, Darhan oqýda júrgen kezinde tún ishinde oǵan habarlasyp, jynys múshesin kórsetip, ózine degen sezimin bildirgen.

«Alkogóldiń áseri dep úndemeı júrsem, áıelin menimen aralastyrmaıdy eken ǵoı ol. Dárıǵaǵa suhbat beretinimdi aıtqanmyn. Sol kezde Darhan týraly aıta ber, ony barlyǵy biledi degen. Shyndyq osy», - dep aıaqtady sózin bloger.

Aıta keteıik, Darhan Jolshybekov úılengen, áıeli de Daricorn laqap atymen tanymal bloger ári ánshi.