InfoHub Logo

Adam ómirinde bolatyn jaıttardyń kóbisi oılamaǵan jerden oryn alatyny belgili. Ásirese dúıim dúnıenidúr silkindirip, álemdi ábigerge salǵan indet - oılamaǵan jerden tarap, barlyq memlekettiń osal tusyna aınaldy. Iá, rasymen de «aıtyp kelmegen aýrý» alǵashynda barsha jurttyń esin shyǵarǵany jasyryn emes. Alaıda indetttiń ilmegine ilikkender sany órship, jaqyn-joralarymyzdan qapyda aıyryltqany, saǵymyzdy syndyrǵany ókinishti. İndet - bizdi jáne bizdi qorshaǵan barsha adamdardyń sanasyna úlken oı men túıin ákelgen sekildi. Ásirese, qoǵamdaǵy barlyq júıeniń karantındik rejımge ózgerýi.

Álbette bul ózgeris alǵashynda talaıdyń esinshyǵarǵany jasyryn emes. Sebebi, kúndelikti jumystyń júıesine úırengen halyq bul rejımge birden úırenise qoımady. Jumysty úlken keńse oryndarynan emes, aıadaı ǵana úıde jalǵastyrý aqylǵa syımaıtyndaı kórindi. Keıinnen qalypqa túsekele «adamnyń da kóleńkesi bolatyny sekildi» karantınniń jaqsy tusy men kóleńke tustaryn ajyratyp, saraptaı bastady.

Bul rejım keıbir kásipkerler úshin "soryna" aınalsa, endi biriniń "baǵyna" aınalǵaly karantınge bıyl 1 jyldan asa ýaqyt bolypty. Bunyń paıdasyn osy ýaqytqa deıin jumysy dóńgelemeı turǵan onlaın qyzmet kórsetý ortalyqtary qyzyǵyn kórdi desek bolady. Ásirese, tipti syrtqa shyǵýdyń ózi armanǵa aınalǵan ýaqyttarda onlaın azyq-túlikke tapsyrys berip, úıge deıin jetkizý qyzmetteri kóbeıgeni málim. Jalpy karantınniń paıdasy men zıany týraly túrli taraptan qarastyra berýge bolady. Onyń taǵy da bir paıdasy: kúniniń kóp bóligin kompúterge telmirip, keńsede jumys jasaıtyndar úshin, jumysyn úıden jasaý tıimdirek. Sebebi, úıde yńǵaıly orynda jumysyńdy atqaryp, otbasyńa da tolyq kóńil bólýge bolady. Karantınniń eń paıdaly tusy - otbasynyń berekesin, tatýlyǵyn odan ármen arttyrý. Osy ýaqytqa deıin aýyzbirshilik, syılastyq, adamgershilik, yntymaq syndy uǵymdardyń máni men qadir-qasıeti joǵalyp bara jatqan edi. Alaıda karantın adamnyń tereń oılap, kóp is pen rýhanı kúshtiń qadirine jetkizýdi úıretti.

Bul rejımniń osal tusy da jeterlik. Eń aldymen keı qyzmetkerler úshin tıimsiz bolǵany ras. Ásirese, restoran, kafe syndy qoǵamdyq jerlerde jaryǵy óshpeıtin ǵımarattardyń da bir sátke qańyrap turýynatýra keldi. Nátıjesinde, kóptegen oryndardyń shyǵynǵa belshesinen batqany sózsiz. Qoǵamymyzdyń aınasy bolǵan ustazdar men oqytýshylar qaýymy úshinde bul rejım tıimsiz edi. Oqýshylarmen tyǵyz qarym-qatynasta jumys jasaıtyn bul qaýym úshin onlaın sabaq berý eń kúrdeli prosesterdiń biri edi. Ásirese, jańa taqyrypty ıgerýde bala úshin eń qıyndyq týǵyzatyny ony ıgerip, túsinip ketý. Al oǵan bul jerde ustazdan bólek ata-ana da atsalyspasa, balanyń ol taqyrypty ıgerip ketýi eki talaı. Osy sátte bala da muǵalimniń qadir-qasıetin uǵa bastady. Sol ýaqytta ata-ananyń da jumysy júrip jatýy múmkin. Osyndaısyn saǵattarda bir sátte birneshe jumysty qatar alyp júrýge týra keletin sátter de kúndelikti ádetke aınalyp ketti.

Bul rejım adamnyń jańa, tyń qabiletterin damytqany ras. Ásirese, tehnologıanyń tilin meńgerip, onymen tez jumys jasaýdy qalmasa da birden úıretti. Birjaǵynan bir temirge telmirip, densaýlyq pen ýaqytynyń kóp bóligin soǵan ketirdi. Qansha jerden karantınniń zıanynan paıdasy artyp tursa da, bir-birimizben dıdarlasyp, emen jarqyn júzdesýderde jumys jasaǵanǵa ne jetsin, shirkin!

Tajenova Gúljan

---