InfoHub Logo

Kárim Másimovtyń Astanadaǵy úıi qala ákimdiginiń menshigine ótpekshi,dep habarlaıdy Infohub.kz.

Ulttyq qaýipsizdik komıtetiniń burynǵy tóraǵasy Kárim Másimovten tárkilengen Astanadaǵy turǵyn úı resmı túrde qala ákimdiginiń balansyna beriledi. Bul týraly ákimdik ókilderi habarlady. Jospar boıynsha, nysan “áleýmettik qajettilikter úshin” paıdalanylmaq. Iaǵnı, úıdi áleýmettik salaǵa qatysty maqsattarǵa – memlekettik mekemelerdi ornalastyrýǵa nemese halyqqa qyzmet kórsetý baǵytynda qoldaný kózdelýde.

Aıta keteıik, atalǵan turǵyn úı 2025 jyldyń aqpanynda satýǵa qoıylǵan edi. Ol kezde úıdiń quny 1,8 mıllıard teńge dep baǵalanyp, saýda-sattyqqa shyǵarylǵan bolatyn. Alaıda keıinnen strategıalyq mańyzy eskerilip, ony memlekettik menshikke qaıtarý týraly sheshim qabyldandy.

Buǵan deıin de Kárim Másimovtyń túrli múlki memleket paıdasyna tárkilengen bolatyn. Bul proses onyń qyzmet babyn asyra paıdalaný, jemqorlyqqa qatysy bar degen aıyptaýlar boıynsha qozǵalǵan qylmystyq ister aıasynda júzege asyrylǵan.

Astana ákimdigi tárkilengen úıdi qandaı maqsatta qoldanatynyn jaqyn arada naqty jarıalaıtynyn málimdedi. Ázirge úıge qatysty rekonstrýksıalaý nemese beıimdeý jumystarynyń qajettiligi qarastyrylyp jatyr.

---