InfoHub Logo

Sherzattyń ólimine qatysty kúdiktiler óz kinásin moıyndaýdan bas tartýda,dep habarlaıdy Infohub.kz.

Almatyda Sherzat Satybaldynyń qazasyna baılanysty ótip jatqan sot prosesi jalǵasýda. Kezekti sot otyrysynda memlekettik aıyptaýshy is materıaldaryn tanystyrǵannan keıin sýdıa Erjan Januzaqov sottalýshylardan kinálaryn moıyndaıtyn-moıyndamaıtynyn surady. Alaıda kúdiktilerdiń basym bóligi ózderine taǵylǵan aıyppen kelispeıtinin jetkizdi.

Sottalýshylardyń jaýaby mynadaı boldy:

• Abzal Shynasyl – buzaqylyq boıynsha kinásin jartylaı moıyndady, alaıda adam óltirý babyn joqqa shyǵardy.
• Ravıl Sakıev – óz kinásin tolyqtaı joqqa shyǵardy.
• Shyńǵys Belǵojaev – kinásin moıyndady, biraq is materıaldarynda sáıkessizdikter baryn atap ótti.
• Azamat Toqtaýbaev – kinásin ishinara moıyndap, «oqıǵa ornynda bolǵanyn, alaıda qolynda pyshaq bolmaǵanyn», sondaı-aq «telefondy urlyq nıetimen almaǵanyn» aıtty.
• Darhan Áskentaı, Nurqıas İlıasov, Dıdar Qalıahmet, Dýman Ysqaq – barlyǵy óz kinálaryn moıyndamady.
• Nurbol Toqtaýbaev – kinásin ishinara moıyndady.

Sot prosesi 18 sáýir kúni saǵat 10:00-de jalǵasatyn bolady. Qoǵam nazaryndaǵy bul iske qatysty sheshimder kelesi otyrystarda naqtyraq aıqyndalady dep kútilýde.