InfoHub Logo

Aqtaýlyq «Kaspıı» fýtbol klýby brazılıalyq shabýylshy Gýstavo Evarısto de Fransamen kelisimshartqa otyrǵanyn habarlady. Jańa oıynshy komandanyń shabýyl shebin kúsheıtýge tıis.

Bul týraly Infohub.kz aqparat agenttigi habarlaıdy.

«Kaspıı» klýbynyń málimetinshe, komandaǵa 23 jastaǵy brazılıalyq shabýylshy qosyldy. Gýstavo Evarısto de Fransa óziniń boıy (1,88 m) jáne mergendigimen erekshelenedi. Ol shabýyldyń ortasynda oınap, qarsylas qorǵaýshylaryna qysym kórsetýdi jáne áýedegi tartysta basymdylyq tanytýdy jaqsy kóredi.

Eýropadaǵy tájirıbesi bar oıynshy

Jas shabýylshynyń oıyn stıli kúshti, agressıvti jáne aıyp alańynda múmkindikterdi paıdalana bilýmen sıpattalady. Onyń sońǵy klýby – Bolgarıanyń joǵary lıgasynda óner kórsetken «Cherno more» boldy. Oǵan deıin ol Portýgalıada «União Santarém» jáne «Tondela» komandalarynda oınaǵan.

Gýstavo Evarısto de Fransanyń kelýi «Kaspıı» komandasynyń shabýyldaǵy oıynyna jańalyq ákelip, osy maýsymda upaılar úshin kúresti kúsheıte túsetini sózsiz.