InfoHub Logo

«Kel, Jańa jyl!» merekelik erteńgilik.
Kámpıt: (ortaǵa bılep shyǵady)
- Sálemetsińder me, balalar!
Jańa - jyl keldi o, mine,
Dalama, qalama, jerime.
Shattyqqa bólep ár úıdi,
Shyǵa ǵoı meniń tórime.
Balalar, men Aıaz - atanyń senderge ákele jatqan syılyqtar salynǵan qabynan túsip qaldym. Al aıaz – ata senderge áli kelgen joq pa?
Kámpıt: Balalar, jylda jańa jyl merekesinde qonaqqa kimder keledi?
Balalar: Aıaz - ata, Aqshaqar.
Kámpıt: Durys aıtasyńdar, balalar, endeshe aldymen jańa - jyl merekesine keletin Aqshaqardy bárimiz shaqyraıyq.
Balalar: Aqshaqar (3 ret qaıtalap aıtady).
Kámpıt: Amansyń ba, Aqshaqar!
Aqshaqar: Shyrshalaryń keremet qoı, ózi sondaı ádemi eken, biraq shamdary sónip tur ǵoı. Káne, bárimiz shyrshaǵa úrleıik. Qattyraq.
Júrgizýshi: Aıaz - Atasyz biz eshteńe isteı almaımyz, káne, telefon soǵyp aıaz atany shaqyraıyq, atamyz kári, múmkin, umytyp ketken shyǵar. –
- Alo, ata «Baldyrǵan» men «Búldirshin» tobynyń balalary shyrshanyń qasynda sizdi tosyp júr, nege keshigip jatyrsyz? Umytyp kettińiz be?
Aıaz - Ata: Oıbaı, kárilik qoı, umytyp ketippin, qazir jetemin.
Júrgizýshi: - Balalar, Aıaz - Ata kelgenshe, biz bir óleń aıtaıyq.
«Shyrsha» áni.
Júrgizýshi: - Balalar, Aıaz – Ata ózi qandaı?
Balalar: Appaq saqaly, murty bar, qyzyl shapany bar, aq taıaqpen júredi.
Júrgizýshi: Óte durys, balalar, olaı bolsa barlyǵymyz qatty daýystap Aıaz - Atany shaqyraıyq. Bir, eki, úsh: Aıaz - Ata (3 ret qaıtalaıdy).
Júrgizýshi: Aıaz - Ata, armysyz, jyldaǵydaı barmysyz!
Aıaz - Ata: shyrsha nege janbaı tur. Káne, shamdaryn jaǵaıyq.
Qoıan kirip keledi. Jylaıdy.
Aqshaqar: Qoıan, sen nege kóńilsizsiń? Ne bolyp qaldy, biz saǵan kómektesemiz.
Qoıan: Orman ishinde ózime úı salyp, turyp jatqanmyn. Qý túlki qonaqqa kelip, meni úıimnen qýyp shyqty. Men dalada qaldym.
Júrgizýshi: Ne degen sum túlki, qoıan, jylama, biz túlkini qýyp shyǵyp, úıińdi alyp beremiz.
Qoıan: Men túlkiden qorqamyn. Onyń tisteri qandaı, kózderi qandaı! Minezi jaman!
Júrgizýshi: Sen qoryqpa, biz seniń baýyrlaryńdy kómekke shaqyraıyq. Olar syldyrmaqpen bıleıdi, ony túlki estip, qorqyp, qashyp ketedi.
- Káne, qýyrshaqtar, shyǵyńdar!
Syldyrmaqtardy oınatyńdar!
Bıdi bastańdar, túlki qorqyp qashsyn.
«Syldyrmaqtar» bıi.
Túlki: Men eshkimnen qoryqpaımyn.
Júrgizýshi: Aıaz - Ata, myna, túlkige ne isteýge bolady?
Aıaz - Ata: Qazir men ormandaǵy barlyq ańdardy kómekke shaqyramyn, túlki olardan qorqyp qashyp keter.
Júrgizýshi: Al, ańdar, kelińder, kómektesińder.
«Ańdar» bıi.
Túlki: Men úıden shyqpaımyn,
Men eshkimnen qoryqpaımyn.
Júrgizýshi: Onda qaraqshylardy shaqyryp, túlkini baılap tastaıyq.
«Qaraqshylar» bıi.
Túlki: Men úıden shyqpaımyn,
Men eshkimnen qoryqpaımyn.

Aıaz - Ata: Qazir men saǵan kórseteıin!
Káne, borandar soǵyńdar!
Shyrshalar tómen búgilsin,
Ormandaǵy bar nárse,
Aq qarmenen jabylsyn!
Qazir men qar jaýǵyzyp, túlkini úsitemin.

«Ulpaqarlar» bıi.
Aıaz - Ata túlki úıine úrleıdi, qarmen birge.
Túlki: Oıbaı, Aıaz - Ata, tumsyǵymdy úsittiń ǵoı, aıasańshy meni. Endi ne boldym?
Aıaz - Ata: Al sen qoıandy aıadyń ba, qý túlki? Balalar, túlkini keshireıik pe?
Balalar: Ia, bir jolǵa keshireıik.
Aıaz - Ata: Olaı bolsa, qoıan, bar sen óz úıińe baryp, tura ber.
Qoıan: rahmet.
Aıaz - Ata: Balalar, men senderdiń daýystaryńdy saǵyndym, káne, maǵan bir jaqsy án aıtyp berińdershi.
«Bala tilegi» áni.
Aıaz - Ata: Oı, qandaı keremet án! Bir túrli qobaljyp kettim.
Júrgizýshi: Aıaz - Ata, bizdiń búldirshinderimiz ánmen qosa taqpaqty da jaqsy aıtady. Káne, tyńdańyzshy. Al, siz kárisiz, shyrshanyń túbine otyryp tyńdańyz.
Aıaz - Ata: Oı, qandaı óneri balalar, kelińder, senderge kámpıt bereıin.
Júrgizýshi: Aıaz - Ata, bizdiń Syrym balamyz da sizdi asyǵa kútip júr.
Aıaz - Ata: qandaı ónerli balalar, men búgin biraz jasaryp qaldym. Sendermen kezdeskenime óte qýanyshtymyn.
Kel, Jańa jyl! merekelik erteńgilik júkteý